Records Update- सर्वांत जास्त अंतरराष्ट्रीय सामने आयोजित केलेले स्टेडियम: क्रिकेट खेळण्यास सुरु झाले तेव्हापासून आत्तापर्यंत 3900 हून अधिक एकदिवसीय आंतरराष्ट्रीय सामने आयोजित केले गेले आहेत परंतु 100 हून अधिक सामने आयोजितकेले गेलेले असे 5 च मैदान आहेत. त्याव्यतिरिक्त अद्याप कोणत्याही मैदानावर 100 हून अधिक अंतरराष्ट्रीय सामने खेळवले गेले नाहीयेत. चला तर जाणून घेऊया कोणती आहेत ती स्टेडियम ज्यावर 100 हून अधिक अंतरराष्ट्रीय क्रिकेट सामने आयोजित केले गेले आहेत.
या 5 क्रिकेट स्टेडियमवर आयोजित केले गेलेत 100 हून अधिक अंतरराष्ट्रीय क्रीकेट सामने..
शारजाह क्रिकेट स्टेडियम (२२६)
संयुक्त अरब अमिरातीच्या शारजाह शहरात असलेले शारजाह क्रिकेट स्टेडियम 1982 मध्ये बांधले गेले. 6 एप्रिल 1984 रोजी या मैदानावर 16,000 प्रेक्षक क्षमतेचा पहिला एकदिवसीय सामना पाकिस्तान आणि श्रीलंका (PAK VS SL)यांच्यात खेळला गेला. आतापर्यंत या मैदानावर 226 एकदिवसीय सामन्यांचे आयोजन करण्यात आले असून हा एक विश्वविक्रम आहे. येथे 224 सामन्यांमध्ये विजय-पराजयाचा निर्णय घेण्यात आला आहे तर दोन सामने टाय झाले आहेत. पाकिस्तानच्या इंझमाम-उल-हकने या मैदानावर 59 सामन्यांत 4 शतकांच्या मदतीने सर्वाधिक 2464 धावा केल्या आहेत, तर वसीम अक्रमने 77 सामन्यांत सर्वाधिक 122 बळी घेतले आहेत.
सिडनी क्रिकेट ग्राउंड (१५४)
ऑस्ट्रेलियाचे सिडनी क्रिकेट मैदान आंतरराष्ट्रीय एकदिवसीय सामने आयोजित करण्यात दुसऱ्या स्थानावर आहे, ज्याने आतापर्यंत 154 सामने पाहिले आहेत. 1848 मध्ये बांधलेल्या या मैदानाची प्रेक्षक क्षमता 48,000 पेक्षा जास्त आहे आणि 13 जानेवारी 1979 रोजी ऑस्ट्रेलिया आणि इंग्लंड यांच्यात येथे पहिला एकदिवसीय सामना खेळला गेला होता.
आतापर्यंत या मैदानावर खेळल्या गेलेल्या १५४ सामन्यांपैकी १४७ विजय-पराजय ठरले आहेत तर सात सामने अनिर्णित राहिले आहेत. ऑस्ट्रेलियाचा दिग्गज खेळाडू अॅलन बॉर्डरने या मैदानावर 65 सामन्यांमध्ये दोन शतकांच्या मदतीने सर्वाधिक 1561 धावा केल्या आहेत, तर ग्लेन मॅकग्राने 27 सामन्यांमध्ये विकेटचे अर्धशतक पूर्ण केले आहे.
मेलबर्न क्रिकेट ग्राउंड (147)
1853 मध्ये बांधलेल्या या मैदानाची प्रेक्षक क्षमता 90,000 आहे, जी जगातील सर्वाधिक आहे. येथील पहिला सामना ऑस्ट्रेलिया आणि इंग्लंड यांच्यात ५ जानेवारी १९७१ रोजी झाला होता आणि या मैदानावर आतापर्यंत १४७ सामने झाले आहेत. MCG या टोपणनावाने जगभरात ओळखल्या जाणाऱ्या या मैदानावर 143 सामन्यांपैकी एक सामना बरोबरीत तर तीन सामने अनिर्णित राहिले आहेत. 41 सामन्यांत सात शतकांच्या मदतीने 2108 बळी घेणारा रिकी पाँटिंग येथे फलंदाजीचा नायक आहे, तर कांगारू फिरकी गोलंदाज शेन वॉर्नने 28 सामन्यांत सर्वाधिक 46 बळी घेतले आहेत.
हरारे स्पोर्ट्स क्लब (१३६)
136 सामने आयोजित केल्यामुळे झिम्बाब्वेचे हरारे स्पोर्ट्स ग्राउंड चौथ्या स्थानावर आहे. 1990 मध्ये पूर्ण झालेल्या या मैदानावर 10,000 प्रेक्षक एकत्र बसून सामन्याचा आनंद घेऊ शकतात आणि या मैदानावर पहिला सामना यजमान झिम्बाब्वे आणि भारत यांच्यात 25 ऑक्टोबर 1992 रोजी झाला होता. हरारे येथे खेळल्या गेलेल्या 136 सामन्यांपैकी 134 सामन्यांमध्ये विजय किंवा पराभव झाला आहे, तर एक सामना बरोबरीत आणि एक अनिर्णित राहिला आहे. या मैदानावर झिम्बाब्वेचा फलंदाज ब्रेंडन टेलरने 54 सामन्यांत तीन शतकांच्या मदतीने सर्वाधिक 1889 धावा केल्या आहेत, तर फिरकी गोलंदाज प्रॉस्पर उत्सैयाने 60 सामन्यांत सर्वाधिक 52 विकेट्स घेतल्या आहेत.
आर. प्रेमदासा स्टेडियम, कोलंबो (१२४)
आंतरराष्ट्रीय एकदिवसीय सामने आयोजित करण्याच्या बाबतीत श्रीलंकेचा आर. प्रेमदासा स्टेडियम, कोलंबो १२४ सामन्यांसह पाचव्या स्थानावर आहे. 1986 मध्ये बांधलेल्या या मैदानाची प्रेक्षक क्षमता 35000 आहे आणि येथे पहिला सामना 9 मार्च 1986 रोजी श्रीलंका आणि पाकिस्तान यांच्यात खेळला गेला होता. 116 सामन्यांमध्ये विजय किंवा पराभवाचा निर्णय झाला आहे तर आठ सामने अनिर्णित राहिले आहेत. श्रीलंकेचा स्फोटक फलंदाज सनथ जयसूर्याने या मैदानावर 71 सामन्यांमध्ये चार शतकांच्या मदतीने सर्वाधिक 2514 धावा केल्या आहेत, तर जादूई फिरकी गोलंदाज मुथय्या मुरलीधरनने 57 सामन्यात 75 बळी घेत आपला झेंडा उंचावला आहे.
तर मित्रांनो, हे होते ते 5 मैदान ज्यांवर आतापर्यंत क्रिकेटचे 100 हून अधिक अंतराष्ट्रीय सामने आयोजित केले गेले आहेत. वरीलपैकी कोणत्या मैदानावर तुम्ही क्रिकेटचा सामना पहिला असेल तर आम्हाला कमेंट करून नक्की कळवा.. आणि क्रिकेटबद्दल असेच इंटरेस्टिंग गोष्टी वाचण्यासाठी आम्हाला फोलो करायला विसरू नका..
हेही वाचा:
- विश्वचषकात पहिल्याच चेंडूवर बाद झाले आहेत हे 6 फलंदाज; एक आहे भारताचा माजी प्रशिक्षक..
- ऑस्ट्रेलिया-इंग्लंड नव्हे तर भारतच आहे वनडेमध्ये,’चेस मास्टर’; तब्बल 18 वेळा पार केलाय 300 पेक्षा जास्त धावांचा स्कोर.
- अफगाणिस्तानी तरुणी विद्यार्थ्यांना वाटते विश्वचषकाचे मोफत तिकिटे? कोण आहे ही तरुणी
-
पाकिस्तान विरुद्धच्या सामन्यापूर्वी शुभमन गिल विषयी मिळाली मोठी अपडेट; वाचा काय आहे बातमी
