केएल राहुलने कसोटी कर्णधार म्हणून पहिली कसोटी मालिका जिंकली ते अश्विनने रचला इतिहास.. भारत आणि बांग्लादेश यांच्यातील दुसऱ्या कसोटीमध्ये झाले हे 12 विक्रम, भारतीय संघाच्या खेळाडूंनी मोडले दिग्गजांचे विक्रम..

आज शेर-ए-बांगला मैदानावर भारताने बांगलादेश संघाचा तीन गडी राखून पराभव केला आणि या कसोटी मालिकेत बांगलादेशचा क्लीन स्वीप केला. भारताने ही मालिका 2-0 अशी खिशात घातली. भारताने यापूर्वी एकदिवसीय मालिका गमावली होती.

बांगलादेशकडून मेहंदी हसनने दुसऱ्या डावात 5 बळी घेतले आणि भारताकडून दुसऱ्या डावात भारताचा अष्टपैलू खेळाडू रविचंद्रन अश्विनने सर्वाधिक धावा केल्या. रविचंद्रन अश्विनने 62 चेंडूत 42 धावा केल्या. त्यांच्याशिवाय अक्षर पटेल आणि श्रेयस अय्यरनेही त्याला चांगली साथ दिली.

भारत विरुद्ध बांगलादेश यांच्यात खेळल्या गेलेल्या दुसऱ्या कसोटी सामन्यात एकूण 12 ऐतिहासिक विक्रम, या विक्रमांवर एक नजर टाकूया.

1. या दुसऱ्या कसोटीत केएल राहुलने आंतरराष्ट्रीय क्रिकेटमध्ये 100 झेल पूर्ण केले.

View this post on Instagram

A post shared by KL Rahul👑 (@klrahul)

2. बांगलादेशविरुद्धच्या या दुसऱ्या कसोटीत भारतीय गोलंदाज जयदेवने 12 वर्षांनंतर कसोटी क्रिकेटमध्ये पुनरागमन केले. तसेच या कसोटीत त्याने एक विकेट देखील घेतली.

3. रविचंद्रन अश्विनने कसोटी क्रिकेटमध्ये 449 विकेट्स तसेच 3000 धावा पूर्ण केल्या आहेत. कसोटीत 3000 धावा आणि 400 हून अधिक विकेट्स पूर्ण करण्यापर्यंत, तो जगातील सर्वात कमी डावात दुसऱ्या क्रमांकावर आहे.

4. नजमुल शांतोने कसोटी क्रिकेटमध्ये 1000 धावा पूर्ण केल्या.

5. चेतेश्वर पुजाराने या कसोटीत आपल्या कसोटी कारकिर्दीतील 7000 धावा पूर्ण केल्या. अशी कामगिरी करणारा तो 8वा भारतीय खेळाडू ठरला.