कोणाच्या डोळ्यावर चेंडू लागला तर कोणाची गाडी ट्रकखाली अडकली… या 7 खेळाडूंचे झाले होते अतिशय भयंकर अपघात,तरीही हार न मानता पुन्हा मैदानात टाकले होते पाउल..
कोणाच्या डोळ्यावर चेंडू लागला तर कोणाची गाडी ट्रकखाली अडकली… या 7 खेळाडूंचे झाले होते अतिशय भयंकर अपघात,तरीही हार न मानता पुन्हा मैदानात टाकले होते पाउल..
काही दिवसापूर्वीच भारतीय संघाचा स्टार खेळाडू रिषभ पंत याच्या कारला अपघात झाला होता. ज्यानंतर सर्वच क्रिकेट क्षेत्रातील खेळाडू असो अथवा सामान्य लोक त्याच्या तब्येतीसाठी देवाकडे प्रार्थना करतांना दिसले होते. मात्र रिषभ पंत हा काय अपघात झालेला एकमेव क्रिकेटर नाहीये.
क्रीडा जगतात अशा अनेक घटना घडल्या आहेत, जेव्हा अनेक प्रसिद्ध सेलिब्रिटी अपघाताचे बळी ठरले. काही वेळा तर त्या अपघातांमध्ये अनेक क्रीडा व्यक्तिमत्वांना आपला जीव गमवावा लागला. त्याच वेळी, काही सेलेब्स होते जे सुदैवाने मृत्यूच्या तोंडातून बाहेर पडले.
अलीकडेच, भारताचा यष्टिरक्षक आणि फलंदाज ऋषभ पंतही रुरकी सीमेजवळ दिल्ली-डेहराडून महामार्गावर एका भीषण कारच्या अपघाता त जखमी झाला. लिगामेंटच्या दुखापतीवर योग्य उपचार करण्यासाठी त्याला आता डेहराडूनहून मुंबईला हलवण्यात येणार आहे.
त्यानिमित्ताने काही वर्ष मागे जाऊन आम्ही तुम्हाला अश्या 8 खेळाडूंबद्दल सांगणार आहोत ज्यांनासुद्धा अश्या गंभीर अपघातांना सामोरी जावे लागले होते. त्यांचे आयुष्य म्हणावे लागेल अथवा चाहत्यांचे प्रेम.. ज्यामुळे ते एवढ्या भयंकर अपघातानंतरसुद्धा संघात पुनरागमन करून भारतीय संघासाठी खेळले होते. चला तर मग सुरवात ककरूया आजच्या या लेखाला..
1. मन्सूर अली खान पतौडी: या यादीत पहिले नाव येते ते म्हणजे ‘मन्सूर अली खान पतौडी यांचे. 1961 मध्ये दिग्गज क्रिकेटर मन्सूर अली खान पतौडी, ज्यांना टायगर पतौडी म्हणूनही ओळखले जाते, ते अवघे 20 वर्षांचे असतांना त्यांच्या कारचा अपघात झाला होता. पतौडी यांची कार दुसर्‍या वाहनालाअतिशय जोरदार रित्या धडकली होती. या अपघातानंतर त्यांच्या उजव्या डोळ्याला कायमची दुखापत झाली. या अपघातानंतर सहा महिन्यांनी वयाच्या २१ व्या वर्षी ते भारतीय क्रिकेट संघाचा सर्वात तरुण कर्णधारबनले होते.
2. मोहम्मद शमी: 2018 साली मोहम्मद शमीचा एक रस्ता अपघात झाला होता ज्यात त्याची कार एका ट्रकला धडकली होती. डेहराडूनहून क्रिकेट सामन्याचा सराव करून दिल्लीला परतत असताना त्याच्यासोबत ही घटना घडली. त्याच्या डोक्याला दुखापत झाली होती, त्यासाठी त्याला चार टाके पडले होते. अपघातातून सावरल्यानंतर शमीने दिल्लीतील सराव सत्रात भाग घेतला आणि आयपीएलमध्येही खेळला.
View this post on Instagram
3. क्रिस्टियानो रोनाल्डो: 2009 मध्ये मँचेस्टर युनायटेडचे प्रतिनिधित्व करणारा पोर्तुगीज फुटबॉलपटू क्रिस्टियानो रोनाल्डोचा यूकेमध्ये रस्ता अपघात झाला होता. रोनाल्डो प्रशिक्षणासाठी जात असताना त्याची फरारी चालवत होता आणि त्याची कार मँचेस्टर विमानतळाजवळील बोगद्याच्या आत अडथळ्यावर कोसळली. त्याच्या कारचा चुराडा झाला असताना त्याला कोणतीही दुखापत झाली नाही. त्यावेळी 23 वर्षांचा फुटबॉलपटू नंतर प्रशिक्षण सत्रात सामील झाला.
4. टायगर वुड्स:2021 मध्ये, अमेरिकन व्यावसायिक गोल्फर टायगर वुड्स लॉस एंजेलिसच्या बाहेर एका रोल-ओव्हर अपघातातून थोडक्यात बचावला. त्या काळात वुड्स आपली एसयूव्ही हिल्समध्ये चालवत होता. त्यांची कार झाडावर आदळली आणि उजव्या पायाला गंभीर दुखापत झाली. रॉड घालून त्याचा पाय स्थिर करण्यात आला. त्याच वर्षी नंतर ऑर्लॅंडो येथील पीएनसी चॅम्पियनशिपमध्ये त्याने पुनरागमन केले, जिथे त्याने त्याचा मुलगा चार्लीशी स्पर्धा केली.
5. मानसी जोशी: 2011 मध्ये वर्ल्ड चॅम्पियन होण्यापूर्वी पॅरा बॅडमिंटनपटू मानसी जोशीचा रस्ता अपघात झाला होता. ती मोटारसायकलवरून काही कामासाठी बाहेर जात असताना हा अपघात झाला. त्यादरम्यान एक ट्रक त्यांच्या डाव्या पायावर आला. जोशी यांना ४५ दिवस रुग्णालयात दाखल करावे लागले आणि त्यांना पुन्हा चालता यावे यासाठी त्यांचा पाय कापावा लागला होता.
6. शोएब मलिक: 2021 मध्ये पाकिस्तानी गोलंदाज शोएब मलिकचा लाहोरमध्ये अपघात झाला होता. त्यांची स्पोर्ट्स कार ट्रकला धडकली. पाकिस्तान सुपर लीगच्या ड्राफ्ट इव्हेंटमध्ये सहभागी झाल्यानंतर मलिक आपल्या हॉटेलमध्ये परतत होता. या प्रवासादरम्यान क्रिकेटपटूच्या कारच्या चाकांचे नियंत्रण सुटले आणि त्यांची कार एका रेस्टॉरंटजवळ उभ्या असलेल्या ट्रकवर जाऊन आदळली. सुदैवाने या कार अपघातात मलिक यांना दुखापत झाली नाही.
7. बेन होगन: 1949 मध्ये, महान गोल्फर बेन होगन टेक्सास महामार्गावर झालेल्या अपघातातून थोडक्यात बचावले. होगन आणि त्यांची पत्नी व्हॅलेरी त्यांच्या कारमधून प्रवास करत असताना एका अरुंद पुलावर बस त्यांच्या वाहनाला धडकली. या अपघातात बेनची टाच, बरगडी, पेल्विस आणि कॉलरबोन तुटले. नंतर, होगनने 1950 च्या लॉस एंजेलिस ओपनमध्ये पुनरागमन केले. 1953 मध्ये, त्याने तीन प्रमुख चॅम्पियनशिपसह सहा पैकी पाच स्पर्धा जिंकल्या होत्या.
तर मित्रांनो हे होते काही खेळाडू ज्यांनी मोठ्या अपघातातून सुद्धा बरे होत पुन्हा आपल्या देशासाठी खेळ खेळले होते. क्रिकेटर रिषभ पंतचे नाव सुद्धा आता या यादीत जोडले गेले आहे. त्यामुळे रिषभसुद्धा लवकरात लवकर बारा होऊन भारतीय संघासाठी खेळताना आपल्याला दिसू शकतो..
