क्विंटन डी कॉक: क्रिकेटच्या इतिहासात टी-20 आणि टी-10 मध्ये सर्वांत कमी धावावर सर्व संघ बाद होण्याचा आजपर्यंतचा विक्रम आयपीएलमधील संघ रॉयल चॅलेंजर्स बंगळुरूच्या नावावर होता. आता आरसीबीच्या नावावरून हा कलंक पुसला गेला आहे.
रॉयल चॅलेंजर्स बंगळुरूच्या (RCB) नावावर आयपीएलच्या इतिहासातील सर्वात कमी धावसंख्येवर बाद होण्याचा लज्जास्पद विक्रम आहे. IPL 2017 च्या 27 व्या सामन्यात RCB टीम कोलकाता नाईट रायडर्स विरुद्ध 9.4 षटकात अवघ्या 49 धावांवर सर्वबाद झाली होती. क्रिकेटच्या इतिहासातील कोणत्याही संघाचा हा सर्वात लाजिरवाणा विक्रम आहे.
मात्र आरसीबीचा हा लाजिरवाणा विक्रम मोडला गेला आहे. हा विक्रम अबुधाबीमध्ये सुरू असलेल्या T10 लीगमध्ये मोडला गेला आहे. दक्षिण आफ्रिकेचा खेळाडू क्विंटन डी कॉकच्या संघाने हा लाजीरवाणा विक्रम मोडत आपल्या नावे केला आहे.
खरं तर, सोमवार 4 डिसेंबर रोजी अबुधाबीमध्ये सुरू असलेल्या टी 10 लीग सामन्यात, दिल्ली बुल्स संघ पूर्ण 60 चेंडू खेळू शकला नाही आणि केवळ 31 धावांवर सर्वबाद झाला. अशाप्रकारे या स्पर्धेतील 18 व्या सामन्यात न्यूयॉर्क स्ट्रायकर्स संघाने 67 धावांच्या मोठ्या फरकाने सामना जिंकला. या काळात दिल्लीतील विशेष बाब म्हणजे दक्षिण आफ्रिकेचा दिग्गज खेळाडू क्विंटन डी कॉकही या संघात होता. पण उत्तम खेळाडू असूनही दिल्ली बुल्स संघ 10 षटकांत सर्वबाद झाला आणि स्कोअरबोर्डवर केवळ 31 धावाच करू शकला.
क्विंटन डी कॉक अवघ्या पाच धावा करून बाद झाला.
या सामन्यात न्यूयॉर्कने प्रथम फलंदाजी करत 10 षटकांत 98 धावांची मोठी धावसंख्या उभारली. त्यासाठी रहमानउल्ला गुरबाजने अवघ्या 24 चेंडूत 5 षटकारांसह 49 धावा केल्या. T10 क्रिकेटमध्ये 98 धावांचे लक्ष्य सहसा जास्त नसते आणि बहुतेक प्रसंगी संघ त्याचा पाठलाग करतात.
क्विंटन डी कॉकसारखा सलामीवीर संघात असेल तर काय म्हणावे? मात्र दक्षिण आफ्रिकेचा स्टार फलंदाज केवळ 5 धावा करून बाद झाला. यानंतर विकेट पडत राहिल्या आणि दिल्ली बुल्स धावांसाठी आसुसले.
पाच फलंदाजांना खातेही उघडता आले नाही.
अखेरीस संपूर्ण संघ 9.3 षटकात केवळ 31 धावांवर ऑलआऊट झाला, जो या स्पर्धेच्या इतिहासातील सर्वात लहान धावसंख्या देखील आहे. आयपीएलमधील आरसीबीचा हा विक्रमही त्याने मोडला. दिल्लीकडून रवी बोपाराने सर्वाधिक 16 धावा केल्या. तर रिले रुसो, रोव्हमन पॉवेल, जेम्स विन्स, ड्वेन ब्राव्हो यांसारखे स्फोटक फलंदाजही सपशेल फ्लॉप झाले. या संघाच्या पाच फलंदाजांना खातेही उघडता आले नाही. न्यूयॉर्ककडून अकिल हुसेन आणि चमिका करुणारत्ने यांनी ३-३ बळी घेतले.
हेही वाचा:
शुभमन गिल सारा पुन्हा पडले एकमेकांच्या प्रेमात?.. ब्रेकअप नंतर दोघेही पुन्हा एकत्र, फोटो व्हायरल..
