cricketer who retired in 2023: 2023 हे वर्ष आता संपण्यात केवळ काही दिवस बाकी आहेत. या वर्षात अनेक दिग्गज खेळाडूंनी क्रिकेट विश्वातून निवृत्ती जाहीर केली. आज या खास लेखामध्ये आम्ही तुम्हाला 2023 मध्ये अंतरराष्ट्रीय क्रिकेटमधून निवृत्ती जाहीर करणाऱ्या 5खेळाडूंबदल माहिती सांगणार आहोत. चला तर जाणून घेऊया कोण आहेत ते खेळाडू जे 2023 मध्ये अंतरराष्ट्रीय क्रिकेटमधून निवृत्त झाले.
2023 मध्ये क्रिकेटला अलविदा करणारे 5 खेळाडू (cricketer who retired in 2023)
1. स्टुअर्ट ब्रॉड: जगातील सर्वात धोकादायक गोलंदाजांपैकी एक असलेल्या स्टुअर्ट ब्रॉडने 2023 च्या ऍशेसच्या शेवटच्या कसोटीसह आपल्या 16 वर्षांच्या दीर्घ कारकिर्दीचा शेवट केला. त्याच्या नावावर एकूण 847 आंतरराष्ट्रीय विकेट आहेत. 604 विकेट्ससह, तो कसोटी क्रिकेटमध्ये सर्वाधिक बळी घेणाऱ्या वेगवान गोलंदाजांच्या यादीत पहिल्या स्थानावर आहे.
2. अॅरॉन फिंच: ऑस्ट्रेलियन सलामीवीर अॅरॉन फिंचने यावर्षी फेब्रुवारीमध्ये आंतरराष्ट्रीय क्रिकेटला अलविदा केला. ऑस्ट्रेलियाच्या पांढऱ्या चेंडूच्या फॉरमॅटमधील सर्वात तेजस्वी फलंदाजांपैकी एक, फिंचने १०० हून अधिक एकदिवसीय आणि टी२० सामने खेळले.
3. अॅलेक्स हेल्स : इंग्लंडच्या सर्वात स्फोटक सलामीवीरांपैकी एक, अॅलेक्स हेल्सने 4 ऑगस्ट 2023 रोजी आंतरराष्ट्रीय क्रिकेटमधून निवृत्तीची घोषणा करून सर्वांना आश्चर्यचकित केले. त्याने इंग्लंडकडून सर्व फॉरमॅटमध्ये 156 सामने खेळले. फोटो: ANI
4. मुरली विजय : अनेक दिवसांपासून भारतीय संघात स्थान मिळवण्यासाठी धडपडणाऱ्या मुरली विजयने अखेर या वर्षी फेब्रुवारीमध्ये क्रिकेटमधून निवृत्ती घेतली. 2008 मध्ये पदार्पण केल्यानंतर, विजयने भारतीय संघासाठी नऊ टी-20, 61 कसोटी आणि 17 एकदिवसीय सामने खेळले.
5. जोगिंदर शर्मा : 2007 च्या T-20 विश्वचषकाच्या फायनलमध्ये जोगिंदर शर्माने टाकलेला चेंडू क्वचितच कोणताही क्रिकेट चाहता विसरू शकत नाही. रस्ता अपघातात बळी पडलेला जोगिंदर शर्मा कधीही आंतरराष्ट्रीय क्रिकेटमध्ये परत येऊ शकला नाही आणि शेवटी 3 फेब्रुवारी 2023 रोजी त्याने क्रिकेटच्या सर्व फॉरमॅटमधून निवृत्ती जाहीर केली.
हेही वाचा:
कारकीर्द कितीही वादाची असली तरीही, ‘सनथ जयसूर्या’ खेळाडू जबराटचं होता…
