दिनेश कार्तिक: भारतीय क्रिकेट संघाचे दोन यष्टीरक्षक फलंदाज वाढत्या वयाबरोबर तरुण होत आहेत आणि त्यांच्या फिटनेस-फॉर्मने क्रिकेट चाहत्यांना सतत आश्चर्यचकित करत आहेत. पहिला म्हणजे टीम इंडियाचा माजी कर्णधार एमएस धोनी, ज्याने आंतरराष्ट्रीय क्रिकेटला अलविदा केला आहे आणि आयपीएल 2024 खेळण्याची तयारी करत आहे आणि दुसरा दिनेश कार्तिक आहे. दिनेश कार्तिकने विजय हजारे ट्रॉफीमध्ये अशी खेळी खेळली की नुकत्याच झालेल्या विश्वचषकादरम्यान 38 वर्षांचा झालेला कार्तिक समालोचन करत होता असे वाटले नाही.
विजय हजारे ट्रॉफी 2024 मध्ये दिनेश कार्तिकने खेळली तुफानी खेळी..
दिनेश कार्तिक विजय हजारे ट्रॉफीमध्ये तामिळनाडू संघाचे नेतृत्व करत आहे. 29 नोव्हेंबर रोजी तामिळनाडू आणि बडोदा यांच्यात झालेल्या सामन्यात कार्तिकने उत्कृष्ट खेळी खेळली आणि आपल्या संघाला विजयापर्यंत नेले. कार्तिकने 51 चेंडूत 9 चौकार आणि 2 षटकार मारत 68 धावांची खेळी केली. या खेळीच्या जोरावर तामिळनाडूने प्रथम फलंदाजी करताना 162 धावा केल्या आणि नंतर बडोद्याला 124 धावांत गुंडाळले आणि 38 धावांनी विजय मिळवला.
IPL 2024: आरसीबीने आयपीएल 2024 साठी कार्तिकला कायम ठेवले
IPL 2023 मध्ये दिनेश कार्तिकची कामगिरी अतिशय सामान्य होती. त्यामुळे आरसीबी त्याला आयपीएल 2024 पूर्वी सोडेल असे मानले जात होते पण तसे झाले नाही. या अनुभवी यष्टिरक्षक फलंदाजावर संघाने विश्वास कायम ठेवला आहे. येत्या हंगामात कार्तिक आयपीएल 2022 चा करिष्मा दाखवू शकतो की नाही हे पाहणे रंजक ठरणार आहे.
IPL 2024: दिनेश कार्तिकची कारकीर्द
दिनेश कार्तिक हा अतिशय गुणवान खेळाडू आहे पण तो आंतरराष्ट्रीय स्तरावर आपल्या प्रतिभेला न्याय देऊ शकला नाही. 2004 मध्ये आपल्या कारकिर्दीला सुरुवात करणारा हा यष्टीरक्षक फलंदाज त्याच्या कामगिरीतील अनियमिततेमुळे टीम इंडियासाठी कोणत्याही फॉरमॅटमध्ये आपले स्थान कधीही पक्के करू शकला नाही आणि तो नेहमी संघातून आत बाहेर करत असायचा. महत्वाचे म्हणजे दिनेश कार्तिकची संपूर्ण कारकीर्द महेंद्रसिंग धोनीचा बदली खेळाडू म्हणूनच गेली..
गेल्या 19 वर्षात त्याने टीम इंडियासाठी 26 कसोटी, 94 वनडे आणि 60 टी-20 सामने खेळले आहेत. त्याच्या नावावर कसोटीत 1 शतक आणि 7 अर्धशतकांसह 1025 धावा, एकदिवसीय सामन्यात 9 अर्धशतकांसह 1752 धावा आणि T20 मध्ये 1 अर्धशतकासह 686 धावा आहेत. कार्तिकचा आयपीएल रेकॉर्ड चांगला राहिला आहे. 242 सामन्यांच्या 221 डावांमध्ये तो 46 वेळा नाबाद राहिला आणि 20 अर्धशतकांच्या मदतीने त्याने 4516 धावा केल्या. त्याने आयपीएलमध्ये केकेआरचे नेतृत्वही केले आहे.
हेही वाचा:
पाकिस्तान विरुद्धच्या सामन्यापूर्वी शुभमन गिल विषयी मिळाली मोठी अपडेट; वाचा काय आहे बातमी..