ENG vs AUS: अहमदाबादच्या नरेंद्र मोदी क्रिकेट स्टेडियमवर इंग्लंड आणि ऑस्ट्रेलिया (ENG vs AUS) यांच्यात वर्ल्ड कपचा 38 वा सामना खेळला गेला. इंग्लंडने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना ऑस्ट्रेलियाचा संघ 286 धावांवर सर्वबाद झाला.या लक्ष्याचा पाठलाग करताना इंग्लंडचा संघ 253 धावांवर आटोपला आणि ऑस्ट्रेलियाने 33 धावांनी सामना जिंकला. या सामन्यातील पराभवानंतर इंग्लंडचा कर्णधार जॉस बटलरचे मन दु:खी झाले. पराभवानंतर जॉस बटलरने मोठे वक्तव्य केले आहे.
ENG vs AUS:पराभवानंतर जोस बटलरने तोडले मौन, या खेळाडूंवर फोडले पराभवाचे खापर..
या सामन्यात पहिल्यांदाच इंग्लंडचा संघ धावसंख्येचा पाठलाग करेल असे वाटत होते, पण नंतर तीच जुनी अडचण समोर आली.अॅडम झाम्पाच्या 10 षटकांनी इंग्लंडला खूप त्रास दिला आणि त्याच्या गोलंदाजीने सामन्याची दिशाच बदलून टाकली. इंग्लंडच्या मधल्या फळीने थोडी जबाबदारी दाखवली असती तर कदाचित सामन्याचा निकाल त्यांच्या बाजूने लागला असता. इंग्लंडचा कर्णधार जोस बटलरचे मन दु:खी झाले.तो सामना संपल्यानंतर म्हणाला,
“हा सामना गमावल्यामुळे आमचे विश्वचषकातील आव्हाल संपुष्टात आले आहे त्यामुळे खूप दुख होत आहे. आम्ही स्वतःला न्याय दिला नाही. 2023 मध्ये विजयाची उंची गाठणे खूप कठीण आहे आणि त्यासाठी किती मेहनत घ्यावी लागेल हे सर्वांनाच माहीत आहे. आम्ही लोकांची निराशा केली आहे.
झाम्पा आणि स्टार्क यांच्यातील भागीदारी त्रासदायक ठरली. धावसंख्येचा पाठलाग करणे सोपे जाईल असे वाटत होते. मी खेळलेल्या शॉटमध्ये काहीही चूक नव्हती, पण मी तो योग्य प्रकारे खेळू शकलो नाही.”
“मी स्वतःला आणि माझ्या टीमला निराश केले”-जॉस बटलर
जॉस बटलर हा इंग्लंडच्या सर्वोत्तम फलंदाजांपैकी एक आहे. बटलर जेव्हा खेळतो तेव्हा तो मोठी खेळी खेळतो हे सर्वांना माहीत आहे, पण या विश्वचषकात त्याची बॅट पूर्णपणे शांत राहिली. त्यामुळे इंग्लंडच्या दुर्दशेची जबाबदारी त्याने स्वत: घेतली आहे, असं बोलत असताना तो म्हणाला,
“आम्ही चेंडूवर चांगली कामगिरी केली, परंतु आम्ही आणखी चांगले करू शकलो असतो, आम्ही त्यांना निराशाजनक छोट्या भागीदारी तयार करण्यास परवानगी दिली. आजूबाजूला दव असल्याने आम्ही आमचा हात धरला आणि ३० धावा कमी पडल्या. शेवट चांगला झाला नाही.
मी जमेल तसे खेळले नाही, अशा महत्त्वाच्या परिस्थितीत मी स्वतःला आणि माझ्या संघाला निराश केले असे मला वाटते. माघारी परतण्याचा एकमेव मार्ग म्हणजे नेटमध्ये कठोर परिश्रम करणे आणि पुढील सामन्यात चांगले पुनरागमन करणे.”
उर्वरीत सामन्यात चांगली कामगिरी करून आम्ही शेवट गोड करण्याचा नक्की प्रयत्न करू,असेही यावेळी बटलर म्हणाला..
हेही वाचा:
- विश्वचषकात पहिल्याच चेंडूवर बाद झाले आहेत हे 6 फलंदाज; एक आहे भारताचा माजी प्रशिक्षक..
- ऑस्ट्रेलिया-इंग्लंड नव्हे तर भारतच आहे वनडेमध्ये,’चेस मास्टर’; तब्बल 18 वेळा पार केलाय 300 पेक्षा जास्त धावांचा स्कोर.
- अफगाणिस्तानी तरुणी विद्यार्थ्यांना वाटते विश्वचषकाचे मोफत तिकिटे? कोण आहे ही तरुणी
-
पाकिस्तान विरुद्धच्या सामन्यापूर्वी शुभमन गिल विषयी मिळाली मोठी अपडेट; वाचा काय आहे बातमी
