भारतीय क्रिकेट संघाचा माजी ऑफस्पिनर हरभजन सिंग सध्या क्रिकेट तज्ज्ञाच्या भूमिकेत आहे. याशिवाय तो कॉमेंट्रीच्या जगातही सक्रिय आहे. हरभजन सिंग अनेकदा आपल्या वक्तव्यांमुळे चर्चेत राहतो.
अलीकडेच त्याने जगातील सर्वोत्कृष्ट T20 फलंदाजाची निवड केली असून या यादीत त्याने रन मशीन विराट कोहली, पाकिस्तानचा कर्णधार बाबर आझम आणि सूर्यकुमार यादव यांचा समावेश केलेला नाही. त्यापेक्षा, हरभजन सिंगच्या दृष्टीने टी-२० चा सर्वोत्तम खेळाडू दुसरा कोणीतरी आहे.
या खेळाडूला नंबर 1 सांगितला
हरभजन सिंगच्या दृष्टीने इंग्लिश फलंदाज जोस बटलर हा जगातील सर्वोत्तम टी-20 फलंदाज आहे. स्टार स्पोर्ट्सशी बोलताना हरभजन सिंग म्हणाला
“जोस बटलरकडे जबरदस्त तंत्र आहे, त्याचे कौतुक करण्यासाठी माझ्याकडे शब्द कमी आहेत. बटलर क्रीजचा पुरेपूर वापर करतो. तो पूर्ण फलंदाजाच्या श्रेणीत येतो. माझ्यासाठी तो जगातील नंबर 1 फलंदाज आहे. त्याला फूटवर्कची कमतरता नाही.
बटलरने आयपीएलमध्ये 3000 धावा पूर्ण केल्या
विशेष म्हणजे, जोस बटलरची स्फोटक कामगिरी सुरूच आहे आणि तो राजस्थान रॉयल्ससाठी धडाकेबाज खेळी खेळत आहे. बटलरने CSK विरुद्ध खेळताना 36 चेंडूत 52 धावांची खेळी केली. या खेळीत बटलरने 3 षटकार आणि 1 चौकारही लगावला. या अर्धशतकानंतर बटलर आयपीएलमध्ये सर्वात जलद तीन हजार धावा पूर्ण करणारा फलंदाज ठरला. त्याचवेळी हा सामना राजस्थान रॉयल्सच्या नावावर झाला. संजू सॅमसनच्या नेतृत्वाखालील राजस्थानने चेन्नईचा त्यांच्या घरच्या मैदानावर पराभव केला. याशिवाय ऑरेंज कॅपच्या शर्यतीत तो दुसऱ्या क्रमांकावर आहे.
