IND vs AFG 1ST T-20: भारत आणि अफगाणिस्तान यांच्यातील तीन सामन्यांची T20 मालिका गुरुवारपासून सुरू होत आहे. या मालिकेतील पहिला सामना मोहालीतील पीसीए स्टेडियमवर होणार आहे. या सामन्यापूर्वी बीसीसीआयने सरावाचा एक व्हिडिओही शेअर केला होता ज्यामध्ये खेळाडू कडाक्याची थंडी आणि धुक्यात सराव करताना आणि थंडी टाळताना दिसत होते. भारताच्या हवामानानुसार, सध्या संपूर्ण देशात थंडी पडत आहे. त्यामुळे मोहालीत होणाऱ्या या सामन्यावर धोक्याचे ढग दाटून आले आहेत.
Accuweather ने जारी केलेल्या अहवालानुसार, मोहालीतील हवामान संध्याकाळी बिघडू शकते. या काळात धुक्याचा लाल इशारा देण्यात आला आहे. तसेच हवेची गुणवत्ता धोकादायक असल्याचे वर्णन करण्यात आले आहे.
तर येथील तापमान किमान 6 अंशांपर्यंत पोहोचण्याची शक्यता आहे. म्हणजेच जास्त धुके आणि थंडीमुळे हवा धोकादायक बनली तर त्याचा परिणाम सामन्यावरही होऊ शकतो. हा सामना भारतीय वेळेनुसार संध्याकाळी 7.30 वाजता सुरू होणार आहे. तर सामन्याचा नाणेफेक संध्याकाळी 7 वाजता होणार आहे.
IND vs AFG : सामना रद्द होण्याचा धोका!
या काळात हवामान खराब झाल्यास षटकेही कमी होऊ शकतात. जर षटके कमी केली तर, किमान 5-5 किंवा 10-10 षटकांचा सामना होऊ शकतो. एवढेच नाही तर धुक्यामुळे खेळाडूंना अडचणी आल्यास सामना रद्द होण्याची शक्यता आहे. मालिकेतील दुसरा सामना 14 जानेवारीला इंदूरमध्ये होणार आहे. तर 17 जानेवारीला तिसरा टी-20 सामना बेंगळुरूमध्ये खेळवला जाईल.
बीसीसीआयने गुरुवारी सकाळी X वर एक व्हिडिओ जारी केला होता. या व्हिडिओमध्ये टीम इंडिया कडाक्याच्या थंडीमुळे त्रस्त दिसत होती. यावेळी अक्षर पटेल, शुभमन गिल, आवेश खान यांच्यासह अनेक खेळाडू थंडीवर आपल्या प्रतिक्रिया देताना दिसले. हा व्हिडिओ पाहून मोहालीमध्ये प्रचंड थंडी असल्याचे स्पष्ट झाले. आता या सामन्यावर थंडीचे वर्चस्व राहणार की हा सामना सहज पार पडणार हे पाहणे रंजक ठरणार आहे.
हेही वाचा:
- ODI वर्ल्डकप 2023 नंतर टीम इंडियातील ‘हे’ 3 स्टार खेळाडू होऊ शकतात निवृत्त, स्वतः दिग्गज खेळाडूने दिले संकेत.
- .शुभमन गिल सारा पुन्हा पडले एकमेकांच्या प्रेमात?.. ब्रेकअप नंतर दोघेही पुन्हा एकत्र, फोटो व्हायरल..
- टेलेंट असूनही या 4 खेळाडूंना कधीही संघात जागा मिळाली नाही, एकाने तर केले होते जबरदस्त प्रदर्शन तरीही केवळ 2 वर्षचं टिकली क्रिकेट कारकीर्द..
