रविचंद्र अश्विन: टीम इंडियाचा अनुभवी ऑफस्पिनर रविचंद्रन अश्विनने हैदराबादच्या राजीव गांधी इंटरनॅशनल स्टेडियमवर भारत आणि इंग्लंड (IND vs ENG) यांच्यात सुरू असलेल्या पाच सामन्यांच्या कसोटी मालिकेतील पहिल्या सामन्यात एक मोठा विक्रम आपल्या नावावर केला आहे. पाहुण्या संघाचा सलामीवीर बेन डकेट आणि स्टार फलंदाज ओली पोप यांना बाद केल्यानंतर उजव्या हाताचा फिरकी गोलंदाज आयसीसी विश्व कसोटी चॅम्पियनशिपमध्ये (WTC) 150 बळी घेणारा पहिला भारतीय खेळाडू ठरला आहे.
रविचंद्र अश्विनने रचला इतिहास..
इतकेच नाही तर, आतापर्यंत फक्त तीन गोलंदाजांना डब्ल्यूटीसीमध्ये 150 किंवा त्याहून अधिक विकेट्स घेता आल्या आहेत, ज्यामध्ये अश्विनच्या नावाचाही समावेश करण्यात आला आहे. भारतीय दिग्गज खेळाडूंशिवाय ऑस्ट्रेलियाचे स्टार वेगवान गोलंदाज पॅट कमिन्स आणि नॅथन लायन यांनी ही कामगिरी केली आहे. दोघांनी अनुक्रमे169-169 विकेट घेतल्या आहेत. या दोघांना मागे टाकण्यासाठी रविचंद्रनला अजूनही 20 विकेट्सची गरज आहे.
Turning the records his way🇮🇳#INDvENG pic.twitter.com/1iHaLx1cfE
— Chennai Super Kings (@ChennaiIPL) January 25, 2024
ICC वर्ल्ड टेस्ट चॅम्पियनशिपमध्ये सर्वाधिक विकेट्स घेणारे गोलंदाज.
169 – पॅट कमिन्स
169 – नॅथन लिऑन
150 – रविचंद्रन अश्विन
137 – मिचेल स्टार्क
134 – स्टुअर्ट ब्रॉड
अश्विन कसोटीत भारतासाठी अशी कामगिरी करणारा ठरू शकतो दुसरा गोलंदाज.
भारताकडून कसोटीत ५०० बळी घेणारा अश्विन दुसरा गोलंदाज ठरू शकतो. त्याने आणखी 8 विकेट घेतल्यास तो या बाबतीत दुसरा भारतीय ठरेल. आतापर्यंत हे यश टीम इंडियाचा माजी फिरकीपटू अनिल कुंबळेच्या नावावर आहे. अनिल कुंबळे (619) याने रेड बॉल क्रिकेटमध्ये भारताकडून सर्वाधिक विकेट्स घेतल्या आहेत. या यादीत अश्विनचे (४९२) नाव दुसऱ्या स्थानावर आहे.
हेही वाचा:
