IND vs ENG : भारत आणि इंग्लंड (IND vs ENG )यांच्यातील 5 सामन्यांच्या कसोटी मालिकेतील पहिला सामना आज हैदराबादच्या राजीव गांधी आंतरराष्ट्रीय स्टेडियमवर खेळवला जाणार आहे. हैदराबादमध्ये ६ वर्षांनंतर आंतरराष्ट्रीय कसोटी सामना खेळवला जात आहे. या मैदानावर टीम इंडियाने शेवटची वेळ 2018 साली वेस्ट इंडिजसोबत कसोटी सामना खेळला होता. या सामन्यात टीम इंडियाने शानदार विजय मिळवला होता.
आता 6 वर्षांनंतर टीम इंडिया या मैदानावर कसोटी सामना खेळण्यासाठी सज्ज झाली आहे. यावेळी टीम इंडियाची कमान रोहित शर्माच्या हाती आहे.
IND vs ENG : खेळपट्टीवर कोणाची मदत मिळणार? (IND vs ENG Pitch Report)
या सामन्यापूर्वी खेळपट्टीबाबत बरीच चर्चा झाली होती. आता क्रिकेट तज्ज्ञांच्या मते, खेळपट्टीची स्थिती बर्‍याच अंशी माहीत आहे. हैदराबादच्या खेळपट्टीवर फिरकीपटूंना अधिक फायदा होणार आहे. त्यामुळे इंग्लंडही संघाच्या प्लेइंग इलेव्हनमध्ये तीन फिरकीपटूंचा समावेश करू शकते.
Pitch for the #IndvEng Hyderabad Test before it was put under covers. Not sure that’s a five day Test, but let’s see what happens. #IndvsEng pic.twitter.com/0clr16W8IC
— Chetan Narula (@chetannarula) January 24, 2024
याशिवाय वेगवान गोलंदाजांना खेळपट्टीवरून काही मदत मिळण्याची शक्यता आहे. दुसरीकडे हैदराबादमध्येही हवामान निरभ्र असणार आहे. अशा परिस्थितीत प्रेक्षकांना एक रोमांचक सामना पाहायला मिळणार आहे. दोन्ही संघांना हा सामना जिंकून मालिकेची सुरुवात विजयाने करायची आहे.
IND vs ENG : हैदराबादमध्ये टीम इंडियाचा विक्रम
टीम इंडियाने हैदराबादच्या राजीव गांधी आंतरराष्ट्रीय क्रिकेट स्टेडियमवर आतापर्यंत 5 कसोटी सामने खेळले आहेत. ज्यामध्ये टीम इंडियाने 4 सामने जिंकले आहेत. तर एक सामना अनिर्णित राहिला. हैदराबादमध्ये टीम इंडियाने आजपर्यंत एकही कसोटी सामना गमावलेला नाही. आता रोहित शर्माच्या नेतृत्वाखाली टीम इंडियाला हा विक्रम पुन्हा एकदा कायम राखायचा आहे. हैदराबादमध्ये प्रथम फलंदाजी करणाऱ्या संघाने केवळ 2 सामने जिंकले असून नंतर फलंदाजी करणाऱ्या संघाने केवळ 2 सामने जिंकले आहेत.
या मैदानावर सर्वाधिक धावसंख्याही टीम इंडियाची आहे. टीम इंडियाने 2017 मध्ये बांगलादेशविरुद्ध 687 धावा केल्या होत्या. या मैदानावर टीम इंडियाच्या उत्कृष्ट विक्रमामुळे टीम इंडिया हा सामना जिंकेल अशी अपेक्षा आहे पण भारतीय संघ इंग्लंडला हलक्यात घेऊ इच्छित नाही.
IND vs ENG पहिल्या दोन कसोटींसाठी टीम इंडियाचा संघ.
रोहित शर्मा (कर्णधार), जसप्रीत बुमराह (उपकर्णधार), शुभमन गिल, यशस्वी जैस्वाल, रजत पाटीदार, श्रेयस अय्यर, केएल राहुल (यष्टीरक्षक), केएस भरत (यष्टीरक्षक), ध्रुव जुरेल (यष्टीरक्षक), रविचंद्रन अश्विन, रवींद्र जैस्वाल. अक्षर पटेल, कुलदीप यादव, मोहम्मद सिराज, मुकेश कुमार आणि आवेश खान.
IND vs ENG इंग्लंड संघ
बेन स्टोक्स (कर्णधार), रेहान अहमद, जेम्स अँडरसन, गस ऍटकिन्सन, जॉनी बेअरस्टो (यष्टीरक्षक), शोएब बशीर, डॅन लॉरेन्स, जॅक क्रॉली, बेन डकेट, बेन फॉक्स, टॉम हार्टली, जॅक लीच, ऑली पोप, ऑली रॉबिन्सन, जो रूट आणि मार्क वुड.
हेही वाचा:
