INDvsAUS: टीम इंडियाच्या नावावर झाला आजवरचा सर्वांत मोठा विक्रम, एकदिवशीय फोर्मेटमध्ये अशी कामगिरी करणारा भारत ठरला जगातील पहिला संघ..
भारत आणि ऑस्ट्रोलिया यांच्यात सध्या 3 एकदिवशीय सामन्यांची मालिका खेळवली जात आहे. ज्यातील दुसरा सामना काल (24 सप्टेबर) ला इंदोरच्या होळकर स्टेडियमवर खेळवला गेला. ज्यात टीम इंडियाने ऑस्ट्रोलियाचा पराभव करत सामना जर जिंकलाच शिवाय 3सामन्यांची मालिका ही आपल्या नावावर केली.
दुसऱ्या एकदिवशीय सामन्यात टीम इंडियाने रचले अनेक विक्रम..!
ऑस्ट्रेलियाविरुद्ध सुरू असलेल्या वनडे मालिकेतील दुसऱ्या सामन्यात भारतीय क्रिकेट संघाने अनेक नवे विक्रम केले आहेत. या सामन्यात भारताने एकूण 18 षटकार ठोकले आणि यासह भारतीय संघ वनडे इतिहासात 3000 षटकार मारणारा जगातील पहिला क्रिकेट संघ बनला आहे.
एकदिवसीय स्वरूपातील भारताचे सर्वोत्तम आकडे
वनडे फॉरमॅटच्या इतिहासात षटकार मारण्याच्या बाबतीत टीम इंडिया अजूनही आघाडीवर आहे. टीम इंडियाने आज इंदोरमध्ये ऑस्ट्रेलियाविरुद्ध खेळल्या गेलेल्या एकदिवसीय सामन्यात अकरावा षटकार मारला तेव्हा संघाने वनडे स्वरूपाच्या इतिहासातील 3000 षटकारांच्या विक्रमाला स्पर्श केला. एकदिवसीय क्रिकेटमध्ये अशी कामगिरी करणारा भारत हा जगातील पहिला संघ ठरला आहे.
इंदोरमधील या एकदिवसीय सामन्यानंतर भारताने वनडे फॉरमॅटमध्ये एकूण 3007 षटकार ठोकले आहेत. यासाठी भारताने 1974 ते 2023 पर्यंत एकूण 1040 एकदिवसीय सामने खेळले आहेत. या कालावधीत भारताने एकूण 19,508 चौकार मारले असून 2,75,676 चेंडूंचा सामना करत 2,18,165 धावा केल्या आहेत.
भारताकडून आतापर्यंत एकूण 252 खेळाडूंनी वनडे फॉरमॅटमध्ये पदार्पण केले आहे. त्याच वेळी, या कालावधीत एकूण 311 शतके आणि 1202 अर्धशतके झाली आहेत. भारताच्या आणि जगातील एकदिवसीय सामन्यांच्या इतिहासातील सर्वात मोठी वैयक्तिक खेळी म्हणजे 264 धावांची, जी रोहित शर्माने श्रीलंकेविरुद्ध खेळली होती.
भारताच्या एकदिवसीय इतिहासात सर्वाधिक षटकार मारणारा वेस्ट इंडिज हा दुसरा संघ आहे. वेस्ट इंडिजने आतापर्यंत एकूण 867 सामने खेळले असून त्यात 2953 षटकार मारले आहेत. या यादीत पाकिस्तान तिसऱ्या क्रमांकावर आहे. पाकिस्तानने आपल्या एकदिवसीय क्रिकेट इतिहासात आतापर्यंत एकूण 961 सामने खेळले आहेत, ज्यामध्ये एकूण 2566 षटकार मारले गेले आहेत.
हे पण वाचा:
शुभमन गिल सारा पुन्हा पडले एकमेकांच्या प्रेमात?.. ब्रेकअप नंतर दोघेही पुन्हा एकत्र, फोटो व्हायरल..
