IPL 2024 Final: शाहरुख खानने ज्या आशेने गौतम गंभीरला कोलकाता नाईट रायडर्समध्ये परत बोलावले होते, त्याचे 10 वर्ष जुने स्वप्न पूर्ण करण्यासाठी, गंभीरने स्वतःच्या हृदयाच्या जवळ या फ्रेंचायझीमध्ये परत येण्याची तयारी दर्शवली होती, ती अखेर पूर्ण झाली. कोलकाता नाईट रायडर्सने आयपीएल 2024 चे विजेतेपद जिंकून हा आनंद द्विगुणीत केला आहे.
या विजयात अनेक स्टार्स होते पण संघात चॅम्पियनशिप जिंकण्याचा उत्साह गौतम गंभीरने भरला होता, त्याच्या पुनरागमनाने अनेक खेळाडूंचे विचार बदलले. यासोबतच गौतम गंभीरनेही असे काही अप्रतिम केले जे आयपीएलच्या इतिहासात त्याच्यापूर्वी कोणीही करू शकले नाही.
IPL 2024 Final: गौतम गंभीरने रचला इतिहास
रविवारी चेन्नई येथे झालेल्या अंतिम सामन्यात कोलकाता नाईट रायडर्सने सनरायझर्स हैदराबादचा 8 गडी राखून एकतर्फी पराभव केला. या सामन्यात हैदराबादने नाणेफेक जिंकून प्रथम फलंदाजी करण्याचा निर्णय घेतला आणिसंपूर्ण संघ केवळ 113 धावाच करू शकला. कोलकाताच्या वेगवान गोलंदाजांनी हैदराबादची दमदार फलंदाजी उद्ध्वस्त करत विजयाचा पाया रचला. यानंतर व्यंकटेश अय्यरने 52 धावांची स्फोटक खेळी खेळून हे टास्क पूर्ण केले आणि कोलकाताने अवघ्या 10.3 षटकांत अंतिम सामना जिंकून विजेतेपद पटकावले.
कोलकाताचे हे तिसरे आयपीएल विजेतेपद आहे. याआधी त्याने 2012 मध्ये पहिल्यांदा आयपीएल जिंकले होते. त्यानंतर 2014 मध्ये कोलकाताने दुसऱ्यांदा विजेतेपद पटकावले. कोलकाताला हे दोन्ही यश गौतम गंभीरच्या नेतृत्वाखाली मिळाले. आता 10 वर्षांनंतर गंभीर मेंटाॅर म्हणून कोलकात्यात परतला आणि संघाला चॅम्पियन बनवले. यासह गौतम गंभीर कर्णधार आणि मार्गदर्शक किंवा प्रशिक्षक म्हणून आयपीएल विजेतेपद जिंकणारा पहिला व्यक्ती ठरला आहे.
इतकेच नाही तर चेन्नईच्या चेपॉक स्टेडियमवर सर्वाधिक वेळा आयपीएल जिंकण्याचा विक्रमही कोलकाताने रचला आहे. चेपॉकमधील ही तिसरी आयपीएल फायनल होती. यापूर्वी चेन्नई सुपर किंग्ज आणि कोलकाता यांनी प्रत्येकी एकदा येथे विजेतेपद पटकावले होते. 2012 च्या मोसमात कोलकाताने चेन्नई सुपर किंग्जला अंतिम फेरीत पराभूत करून विजेतेपद पटकावले होते. आता कोलकाताने पुन्हा एकदा चेन्नईला मागे टाकत दुसऱ्यांदा विजेतेपद पटकावले.
हे ही वाचा:
