हे आहेत विश्वचषक स्पर्धेत सर्वाधिक वैयक्तिक धावा काढणारे खेळाडू एकाने तर ठोकल्यात तब्बल एवढ्या धावा..
विश्वचषक स्पर्धेत सर्वाधिक वैयक्तिक धावा काढणारे खेळाडू: वानखेडे स्टेडियमवर मंगळवारी झालेल्या सामन्यात साऊथ आफ्रिकेने बांगलादेशचा (SA vs BAN) दारुण पराभव केला. दक्षिण आफ्रिकेच्या या विजयाचा हिरो ठरला तो म्हणजे यष्टीरक्षक फलंदाज क्विंटन डिकॉक हा होय. डिकॉकने बांगलादेशच्या गोलंदाजांचा खरपूस समाचार घेत 140 चेंडूत 174 धावांची तडाखेबाज खेळी केली. यात 15 चौकार आणि 7 मोठे षटकार ठोकले. विश्वचषक स्पर्धेत सर्वाधिक वैयक्तिक धावा करणाऱ्या खेळाडूंच्या यादीत टॉप टेन मध्ये आला आहे.
मार्टिन गप्टील: न्यूझीलंडचा सलामीचा फलंदाज मार्टिन गप्टील याने 2015 मध्ये वेस्टइंडीज विरुद्ध खेळताना 237 धावांची नाबाद द्विशतकी खेळी केली. विश्वचषक स्पर्धेतील ही वैयक्तिक सर्वात मोठी खेळी ठरली आहे. तसेच विश्वचषक स्पर्धेत द्विशतक ठोकणारा तो पहिला खेळाडू ठरला आहे.
क्रिस गेल: वेस्टइंडीजचा धडाकेबाज फलंदाज क्रिस गेलने 2015 मध्ये झालेल्या विश्वचषक स्पर्धेत झिंबाब्वे विरुद्ध खेळताना 215 धावांची नाबाद ऐतिहासिक खेळी केली होती तसेच विश्वचषक स्पर्धेत द्विशतक ठोकणारा तो दुसरा खेळाडू ठरला. ही त्याच्या कारकिर्दीतील सर्वात मोठी धावसंख्या ठरली.
गॅरी कस्टर्न : दक्षिण आफ्रिकेचा माजी फलंदाज गॅरी कस्टर्न यांनी 1996 साली झालेल्या विश्वचषक स्पर्धेत यु ए ई विरुद्ध खेळताना 188 धावांची नाबाद खेळी केली होती. निवृत्तीनंतर कस्टर्न यांनी भारताचे प्रशिक्षक म्हणून काम पाहिले होते. त्यांच्याच मार्गदर्शनाखाली भारताने 2011 मध्ये विश्वचषक जिंकला होता.
सौरव गांगुली: भारताचा माजी कर्णधार व डॅशिंग खेळाडू सौरव गांगुली याने 1999 साली इंग्लंड मध्ये झालेल्या विश्वचषक स्पर्धेत श्रीलंकेविरुद्ध दमदार खेळी केली होती. सौरवने या सामन्यात 183 धावांची ऐतिहासिक खेळी केली होती. त्याचा हा विक्रम दक्षिण आफ्रिकेच्या गॅरी कस्टर्न याने सर्वात प्रथम मोडीत काढला.
व्ही व्ही एन रिचर्ड्स: वेस्टइंडीजचा माजी दिग्गज खेळाडू व्ही व्ही एन रिचर्ड्स यांनी 1987 मध्ये झालेल्या विश्वचषक स्पर्धेत श्रीलंके विरुद्ध खेळताना 181 धावांची सर्वात मोठी खेळी केली होती.
डेव्हिड वॉर्नर : ऑस्ट्रेलियाचा धडाकेबाज फलंदाज डेव्हिड वॉर्नर याने 2015 साली झालेल्या विश्वचषक स्पर्धेत अफगाणिस्तान विरुद्ध खेळताना 178 धावांची मोठी खेळी केली होती. ही विश्वचषक स्पर्धा ऑस्ट्रेलियाने जिंकली होती.
कपिल देव: भारताचा चॅम्पियन खेळाडू कपिल देव याने 1983च्या विश्वचषक स्पर्धेत झिंबाब्वे विरुद्ध खेळताना 175 धावांची ऐतिहासिक खेळी केली होती. त्याची ही खेळी क्रिकेट रसिकांच्या मनात आजही घर करून आहे. याचवर्षी पहिल्यांदा विश्वचषकस्पर्धेत भारताने बाजी मारली होती.
वीरेंद्र सेहवाग
भारताचा माजी फलंदाज वीरेंद्र सेहवाग याने 2011 मधील विश्वचषक स्पर्धेत बांगलादेश विरुद्ध खेळताना 175 धावा केल्या होत्या. याच वर्षात भारताने दुसऱ्यांदा विश्वचषकावर नाव कोरले होते.
क्विंटन डीकॉक: आयसीसी 2023 विश्वचषक स्पर्धेमध्ये दक्षिण आफ्रिकेचा फलंदाज क्विंटन डीकॉक याने बांगलादेश विरुद्ध खेळताना 174 धावा काढल्या आहेत. हा सामना दक्षिण आफ्रिकेने जिंकला.
ग्रेग विजार्ड : 2003 मध्ये ग्रेग विजार्ड याने 172 धावांची नाबाद खेळी केली होती. विश्वचषक स्पर्धेत सर्वाधिक धावा काढणाऱ्या खेळाडूंच्या यादीमध्ये तो दहाव्या स्थानावर आहे.
हेही वाचा:
- विश्वचषकात पहिल्याच चेंडूवर बाद झाले आहेत हे 6 फलंदाज; एक आहे भारताचा माजी प्रशिक्षक..
- ऑस्ट्रेलिया-इंग्लंड नव्हे तर भारतच आहे वनडेमध्ये,’चेस मास्टर’; तब्बल 18 वेळा पार केलाय 300 पेक्षा जास्त धावांचा स्कोर.
- अफगाणिस्तानी तरुणी विद्यार्थ्यांना वाटते विश्वचषकाचे मोफत तिकिटे? कोण आहे ही तरुणी
-
पाकिस्तान विरुद्धच्या सामन्यापूर्वी शुभमन गिल विषयी मिळाली मोठी अपडेट; वाचा काय आहे बातमी
