Most Man of the match Winner Cricketers: सध्या भारतात विश्वचषक 2023 मोठ्या उत्सवात सूरु आहे. महत्वाच म्हणजे या स्पर्धेत टीम इंडियाची कामगिरी अतिशय सरस अशी होत आहे. टीम इंडियाने आतापर्यंत या स्पर्धेमध्ये एकही सामना गमावला नसून सध्या ते  गुणतालिकेमध्ये क्रमांक 1 वर विराजमान आहेत.

विश्वचषक हा क्रिकेटचा सर्वात मोठा सण मानला जातो. या स्पर्धेत अनेक दिग्गज खेळाडूंनी आपली छाप सोडत आपल्या संघाला विजेतेपदाच्या जवळ नेले आहे. आज आम्‍ही तुम्‍हाला सांगणार आहोत की विश्‍वचषकाच्‍या इतिहासात सर्वाधिक वेळा सामनावीराचा किताब पटकावणारे पाच खेळाडू कोण आहेत? चला तर मग सुरवात करूया आजच्या या फिचरला..

विश्‍वचषकाच्‍या इतिहासात सर्वाधिक वेळा सामनावीराचा किताब पटकावणारे पाच खेळाडू (Most Man of the match Winner Cricketers in world cup history)

• हा आहे कसोटी क्रिकेटमध्ये पहिल्या चेंडूवर सर्वाधिक वेळा षटकार ठोकणारा एकमेव भारतीय खेळाडू, पाकिस्तानविरुद्ध केलीय सर्वांत चांगली कामगिरी..

1.सचिन तेंडुलकर (9)

भारतीय क्रिकेटमधील दिग्गज खेळाडूने अनेक विक्रम केले आहेत. विश्वचषकात सर्वाधिक वेळा सामनावीर बनण्याचा विक्रमही सचिन तेंडुलकरच्या नावावर आहे. सचिन तेंडुलकरने 1992 ते 2011 या कालावधीत सर्व 6 विश्वचषकांमध्ये भाग घेतला होता. सचिन तेंडुलकरला पहिला सामनावीर पुरस्कार 1992 मध्ये पाकिस्तानविरुद्ध मिळाला होता.

2003 च्या विश्वचषकात सचिन तेंडुलकर सर्वाधिक तीन वेळा सामनावीर ठरला. विश्वचषकात सचिन तेंडुलकरचा शेवटचा सामनावीर ठरला तो उपांत्य फेरीत पाकिस्तानविरुद्ध. त्यांनंतर सचिनने अंतरराष्ट्रीय क्रिकेटमधून निवृत्ती जाहीर केली होती.

2. ग्लेन मॅकग्रा (6)

ऑस्ट्रेलियन क्रिकेटच्या दिग्गज वेगवान गोलंदाज ग्लेन मॅकग्रानेही आपल्या गोलंदाजीने अनेक विक्रम केले. या खेळाडूने विश्वचषकाच्या इतिहासात 6 वेळा सामनावीराचा किताब पटकावला होता. ग्लेन मॅकग्राने 1999 मध्ये वेस्ट इंडिजविरुद्ध 5 विकेट घेत विश्वचषकात पहिला सामनावीर ठरला होता. याच विश्वचषकात भारताविरुद्धच्या सामन्यात ग्लेनचीही सामनावीर म्हणून निवड झाली होती.

या खेळाडूला 2003 च्या विश्वचषकात मॅकग्राने 7 विकेट घेतल्यावर एकदाच सामनावीराचा पुरस्कार मिळाला होता. 2007 मध्ये हा खेळाडू जबरदस्त फॉर्ममध्ये होता, त्यामुळे त्या विश्वचषकात मॅकग्राने तीनदा सामनावीराचा किताब पटकावला होता.

३.रोहित शर्मा (५)

यावर्षी या यादीत या भारतीय खेळाडूचाही समावेश झाला आहे. आपल्या बॅटने विक्रमांची मालिका रचणारा रोहित शर्मा या यादीत तिसऱ्या क्रमांकावर आहे. तो आजूनही  क्रिकेटही खेळत आहे, त्यामुळे त्याच्या जागी बदल होऊ शकतो.

रोहित शर्माने 2015 च्या विश्वचषकात बांगलादेशविरुद्ध शतक झळकावताना प्रथमच सामनावीराचा किताब पटकावला होता. पण 2019 च्या विश्वचषकात या खेळाडूने अप्रतिम कामगिरी केली आणि बॅटने 5 शतके झळकावताना 4 वेळा सामनावीराचा किताब पटकावला. या विश्वचषकात भारतीय संघ अजूनही उपस्थित आहे.

४.एबी डिव्हिलियर्स (५)

जागतिक क्रिकेटच्या महान खेळाडूंच्या यादीत आपले नाव नोंदवणारा एबी डिव्हिलियर्सही या यादीत चौथ्या क्रमांकावर आहे. या खेळाडूने दक्षिण आफ्रिकेकडून तीन विश्वचषक खेळले. या खेळाडूने 2007 मध्ये वेस्ट इंडिजविरुद्ध शानदार शतक झळकावून पहिल्यांदाच सामनावीराचा पुरस्कार जिंकला होता.

हा खेळाडू 2011 च्या विश्वचषकात दोनदा सामनावीर ठरला. त्यानंतर 2015 च्या विश्वचषकातही या खेळाडूला दोनदा सामनावीराचा किताब मिळाला होता. एकदा या खेळाडूने वेस्ट इंडिजविरुद्ध अवघ्या 66 चेंडूत 162 धावा करून हे विजेतेपद पटकावले होते.

5.लान्स क्लुसेनर (5)

या यादीत दक्षिण आफ्रिकेच्या आणखी एका खेळाडूचा समावेश आहे. जगातील प्रसिद्ध अष्टपैलू खेळाडूंपैकी एक असलेल्या लान्स क्लुसनरनेही विश्वचषकात चमकदार कामगिरी केली आहे. या खेळाडूचा 1999 चा विश्वचषक स्वप्नासारखा होता. या खेळाडूने त्यावेळी चमकदार कामगिरी केली होती.

लान्स क्लुसनरने 1999 च्या विश्वचषकात 17 विकेट घेतल्या होत्या आणि बॅटने 281 धावा केल्या होत्या. त्यामुळे लान्सने या विश्वचषकात चौथ्या सामनावीराचा किताब पटकावला. या खेळाडूने 2003 च्या विश्वचषकात सामनावीराचा किताबही पटकावला होता. ( (Most Man of the match Winner Cricketers in world cup history)

हेही वाचा:

• विश्वचषकात पहिल्याच चेंडूवर बाद झाले आहेत हे 6 फलंदाज; एक आहे भारताचा माजी प्रशिक्षक..
• ऑस्ट्रेलिया-इंग्लंड नव्हे तर भारतच आहे वनडेमध्ये,’चेस मास्टर’; तब्बल 18 वेळा पार केलाय 300 पेक्षा जास्त धावांचा स्कोर.
• अफगाणिस्तानी तरुणी विद्यार्थ्यांना वाटते विश्वचषकाचे मोफत तिकिटे? कोण आहे ही तरुणी

• पाकिस्तान विरुद्धच्या सामन्यापूर्वी शुभमन गिल विषयी मिळाली मोठी अपडेट; वाचा काय आहे बातमी