NZ vs PAK LIVE: आयसीसी विश्वचषक 2023 (World Cup 2023) चा 35 वा सामना न्यूझीलंड आणि पाकिस्तान (NZ vs PAK) यांच्यात बेंगळुरू येथे खेळला जात आहे. या सामन्यात किवी संघाचा युवा फलंदाज रचिन रवींद्रने शतक झळकावून भारताचा माजी महान फलंदाज सचिन तेंडुलकरला मागे टाकले आहे.
ब्लॅककॅप्ससाठी हा सामना ‘करो किंवा मरो’ सारखा आहे कारण जर ते हरले तर उपांत्य फेरी गाठण्याचा मार्ग त्यांच्यासाठी आणखी कठीण होईल. मात्र, या सामन्यात रवींद्रने शानदार फलंदाजी करत आपल्या संघाला चांगल्या स्थितीत नेले आणि मास्टर ब्लास्टर सचिन तेंडुलकरचा एक मोठा विक्रमही मोडीत काढला.
NZ vs PAK LIVE: रचीन रवींद्रने मोडला सचिन तेंडूलकरचा हा मोठा विक्रम.
खरेतर, विश्वचषकाच्या इतिहासात सचिनने वयाच्या 25 वर्षापूर्वी दोनदा शतकी खेळी खेळली होती आणि आता रचिन त्याला मागे टाकून पुढे सरसावला आहे. वयाच्या 25 वर्षापूर्वी त्याच्या नावावर 3 शतके आहेत. सचिनने 22 वर्षे 313 दिवसांच्या वयात 2 शतके झळकावली होती, तर आता रवींद्रने 23 वर्षे 351 दिवसांच्या वयात 3 शतके झळकावली आहेत. यासह किवी खेळाडूने माजी महान भारतीय खेळाडू सचिन तेंडूलकरला या बाबतीत मागे सोडले आहे.
शतक झळकावण्यासोबतच त्याने आणखी एक विक्रम आपल्या नावावर केला आहे, ज्यामध्ये वयाच्या २३ व्या वर्षी विश्वचषकाच्या इतिहासात सर्वाधिक अर्धशतके झळकावण्याच्या बाबतीत तो तेंडुलकरनंतर दुसऱ्या क्रमांकावर पोहोचला आहे. उल्लेखनीय आहे की सचिनने वयाच्या 23 व्या वर्षापर्यंत 8 अर्धशतके झळकावली होती, तर आता 23 वर्षांचा रवींद्र दुसऱ्या स्थानावर आहे, ज्याने 5 अर्धशतके केली आहेत. या सामन्यात त्याने 94 चेंडूत 15 चौकार आणि 1 षटकाराच्या मदतीने 108 धावा केल्या.
हेही वाचा:
- विश्वचषकात पहिल्याच चेंडूवर बाद झाले आहेत हे 6 फलंदाज; एक आहे भारताचा माजी प्रशिक्षक..
- ऑस्ट्रेलिया-इंग्लंड नव्हे तर भारतच आहे वनडेमध्ये,’चेस मास्टर’; तब्बल 18 वेळा पार केलाय 300 पेक्षा जास्त धावांचा स्कोर.
- अफगाणिस्तानी तरुणी विद्यार्थ्यांना वाटते विश्वचषकाचे मोफत तिकिटे? कोण आहे ही तरुणी
-
पाकिस्तान विरुद्धच्या सामन्यापूर्वी शुभमन गिल विषयी मिळाली मोठी अपडेट; वाचा काय आहे बातमी
