NZ vs PAK LIVE: आयसीसी विश्वचषक 2023 च्या 35 व्या सामन्यात न्यूझीलंडने पाकिस्तानला विजयासाठी 402 धावांचे लक्ष्य दिले आहे. किवी संघाने निर्धारित 50 षटकांत 6 गडी गमावून 401 धावा केल्या, सलामीवीर रचिन रवींद्रने 108 धावा केल्या, कर्णधार केन विल्यमसन 95 धावा करून बाद झाला, तर सलामीवीर डेव्हन कॉनवे 35, डॅरिल मिशेल 29, मार्क चॅपमनने 39 धावा केल्या. ग्लेन फिलिप्स 41 धावा करून बाद झाला. मिचेल सँटनर २६ धावांवर तर टॉम लॅथम २ धावांवर नाबाद राहिला.
पाकिस्तानकडून मोहम्मद वसीम ज्युनियरने 3, हसन अली, इफ्तिखार अहमद आणि हारिस रौफ यांनी प्रत्येकी एक विकेट घेतली. नाणेफेकीनंतर बोलताना पाकिस्तान क्रिकेट संघाचा कर्णधार बाबर आझम म्हणाला की, आम्ही मागील सामन्यांमध्ये चांगली गोलंदाजी केली आहे. संघात बदल करण्यात आला आहे. फिरकीपटू उसामा मीरच्या जागी वेगवान गोलंदाज हसन अलीचा समावेश करण्यात आला आहे.
यावेळी न्यूझीलंडचा कर्णधार केन विल्यमसन म्हणाला की,
आपण चांगले लक्ष्य देण्याचा प्रयत्न करू. संघात २ बदल करण्यात आले आहेत. आजचा महत्त्वाचा सामना कर्नाटक राज्यातील बेंगळुरू शहरात खेळला जात असून, तेथे दिवसभर पावसाची शक्यता आहे.
काल बंगळुरूमध्येही पाऊस झाला होता. आज सामन्या दरम्यान पाऊस पडल्यास दोन्ही संघांना एक तासाचा वेळ दिला जाऊ शकतो. पाकिस्तान आणि न्यूझीलंड या दोन्ही संघांसाठी हा सामना खूप महत्त्वाचा आहे. उपांत्य फेरी गाठण्यासाठी दोघांनाही हा सामना जिंकावा लागेल. जो संघ हा सामना गमावेल त्या संघाचे विश्वचषक स्पर्धेतील आव्हान संपुष्टात येईल.. आता पाकिस्तान हे विशाल लक्ष पार करू शकते का नाही हे पाहणे रंजक ठरणार आहे..
हेही वाचा:
- विश्वचषकात पहिल्याच चेंडूवर बाद झाले आहेत हे 6 फलंदाज; एक आहे भारताचा माजी प्रशिक्षक..
- ऑस्ट्रेलिया-इंग्लंड नव्हे तर भारतच आहे वनडेमध्ये,’चेस मास्टर’; तब्बल 18 वेळा पार केलाय 300 पेक्षा जास्त धावांचा स्कोर.
- अफगाणिस्तानी तरुणी विद्यार्थ्यांना वाटते विश्वचषकाचे मोफत तिकिटे? कोण आहे ही तरुणी
-
पाकिस्तान विरुद्धच्या सामन्यापूर्वी शुभमन गिल विषयी मिळाली मोठी अपडेट; वाचा काय आहे बातमी
