VIRAL VIDEO: रेणुका ठाकूरने टाकला एवढा जबरदस्त चेंडू की, फलंदाजाला काही कळण्याच्या आतच स्टंप उडून बाजूला पडला. व्हिडीओ होतोय तुफान व्हायरल..
रेणुका ठाकूरने टाकला एवढा जबरदस्त चेंडू की, फलंदाजाला काही कळण्याच्या आतच स्टंप उडून बाजूला पडला. व्हिडीओ होतोय तुफान व्हायरल..
भारतीय महिला क्रिकेट संघाची वेगवान गोलंदाज रेणुका सिंग ठाकूरने २०२३ च्या टी२० विश्वचषकात धुमाकूळ घातला आहे. सुरुवातीच्या षटकात विरोधी संघाचे कंबरडे मोडण्यासाठी ओळखल्या जाणाऱ्या या खेळाडूने पुन्हा एकदा तोच पराक्रम आयर्लंडविरुद्ध केला.
जेव्हा भारत उपांत्य फेरीत स्थान मिळवण्याच्या इराद्याने ‘करो किंवा मरो’ च्या सामन्यात संपूर्ण ताकतीने खेळतांना दिसला आणि त्याचा परिणाम असा झाला की, भारतीय महिला संघाने आयर्लंडला पराभूत करत विश्वचषकाच्या सेमीफायनलमध्ये प्रवेश केला आहे. या सामन्यात रेणुकाने पहिल्याच षटकात अप्रतिम ‘क्लीन बोल्ड’ करून भारताला यश मिळवून दिले. ज्याचा व्हिडिओही सोशल मीडियावर व्हायरल होत आहे.
भारतीय संघाने T20 विश्वचषक 2023 मध्ये 20 फेब्रुवारी रोजी गट टप्प्यातील शेवटचा सामना खेळण्यासाठी प्रवेश केला होता. कर्णधार हरमनप्रीत कौरने नाणेफेक जिंकून प्रथम फलंदाजी करण्याचा निर्णय घेतला. जिथे स्मृती मंधानाच्या 87 धावांच्या शानदार खेळीमुळे भारताने आयर्लंडसमोर 156 धावांचे लक्ष्य ठेवले.
या लक्ष्याचा बचाव करताना टीम इंडियाची वेगवान गोलंदाज रेणुका ठाकूरने पहिल्याच षटकात उत्कृष्ट गोलंदाजी करत पुन्हा एकदा मोठे यश मिळवून दिले. खरे तर पहिल्याच षटकात धावबाद झाल्यामुळे आयर्लंडने पहिली विकेट आधीच गमावली होती. पुढच्या चेंडूवर रेणुकाने एकही धाव दिली नाही. अशा स्थितीत ऑर्ला पेंडरग्रास्ट या फलंदाजाने ५व्या चेंडूवर मोठा फटका मारण्याचा प्रयत्न केला.
पण ठाकूरच्या वेगवान चेंडूने ती बॅटशी संपर्क साधू शकली नाही आणि चेंडू थेट स्टंपवर गेला. वेग इतका वेगवान होता की चेंडू विकेटला लागताच ऑफ स्टंप सुमारे 3 मीटर दूर पडला, आता या घटनेचा व्हिडिओ सोशल मीडियावर व्हायरल होत आहे.
येथे व्हिडिओ पहा –
https://twitter.com/MohitKu38157375/status/1627684747127455744?s=20
हेही वाचा:
