Rishabh Pant Comeback Date: भारतीय क्रिकेट संघाचा यष्टीरक्षक फलंदाज ऋषभ पंत गेल्या वर्षी ३१ डिसेंबर रोजी एका भीषण रस्ता अपघाताचा बळी ठरला. तेव्हापासून तो क्रिकेटपासून दूर आहे. त्याच्या गुडघ्यावर शस्त्रक्रियाही झाली होती. पंतने या वर्षी जून-जुलैपासून राष्ट्रीय क्रिकेट अकादमीमध्ये (एनसीए) सराव सुरू केला.
आता पंत मैदानात परतला आहे आणि अनेक प्रसंगी सराव करताना दिसला आहे. त्याचा एक व्हिडिओही गुरुवारी पाहायला मिळाला. आता बीसीसीआयचे माजी अध्यक्ष आणि दिल्ली कॅपिटल्सचे मार्गदर्शक आणि क्रिकेट संचालक सौरव गांगुली यांनी पंतच्या पुनरागमनाबद्दल मोठे अपडेट दिले आहेत.
सौरव गांगुलीने दिले अपडेट
सौरव गांगुलीने म्हटले आहे की, ‘ऋषभ पंत आयपीएलच्या पुढील हंगामात नक्कीच खेळेल. सध्या तो सराव करत नसून आयपीएल 2024 पूर्वी होणाऱ्या लिलावात त्याची चर्चा झाली आहे. तो संघाचा कर्णधार आहे आणि पुढच्या मोसमातही तो खेळताना दिसणार आहे.’ याविषयी आयपीएलमध्ये चर्चा झाली आहे पण प्रश्न असाही आहे की पंत टीम इंडियात कधी परत येईल?
रिषभ पंत टीम इंडियाकडून टी-२० विश्वचषक 2024 खेळणार?
काही काळापूर्वी अशी माहिती समोर येत होती की, डिसेंबरमध्ये दक्षिण आफ्रिका मालिकेदरम्यान ऋषभ पंत टीम इंडियामध्ये परत येऊ शकतो. मात्र तो टीम इंडियात कधी परतणार याबाबत अद्याप काहीही स्पष्ट झालेले नाही. पण पंत आयपीएलसाठी तंदुरुस्त असेल तर तो २०२४ च्या टी-२० विश्वचषकातही खेळू शकतो, हे स्पष्ट आहे. कारण हा विश्वचषक संयुक्तपणे अमेरिका आणि वेस्ट इंडिजमध्ये जूनमध्ये होणार आहे.
सध्या पंतच्या पुनरागमनाबाबत संघ व्यवस्थापन किंवा बीसीसीआयकडून कोणत्याही अधिकृत अपडेटची प्रतीक्षा आहे. आजकाल पंत कोलकाता येथे उपस्थित आहे जिथे तो सौरव गांगुली आणि रिकी पाँटिंगच्या देखरेखीखाली पुनरागमनाची तयारी करत आहे. गेल्या वर्षी डिसेंबरमध्ये बांगलादेशविरुद्धच्या कसोटी मालिकेत त्याने शेवटचा आंतरराष्ट्रीय सामना खेळला होता.
पहा व्हिडीओ,
Great news for team India:
Rishabh Pant has started practicing. pic.twitter.com/c5LMTxxtKq
— Mufaddal Vohra (@mufaddal_vohra) November 9, 2023
हेही वाचा:
शुभमन गिल सारा पुन्हा पडले एकमेकांच्या प्रेमात?.. ब्रेकअप नंतर दोघेही पुन्हा एकत्र, फोटो व्हायरल..
