ऑस्ट्रोलीयाविरुद्धच्या तिसऱ्या कसोटीपूर्वीमध्ये कर्णधार रोहित शर्मा मोडू शकतो हा मोठा विक्रम, अशी कामगिरी करणारा ठरू शकतो पहिला भारतीय कर्णधार..
टीम इंडिया आणि ऑस्ट्रेलिया यांच्यातील तिसरा कसोटी सामना 1 मार्चपासून इंदूरच्या होळकर स्टेडियमवर खेळवला जाणार आहे. हा सामना जिंकून टीम इंडिया पुन्हा एकदा बॉर्डर-गावस्कर ट्रॉफी जिंकू शकते. नागपूर आणि दिल्ली कसोटी सामना जिंकून टीम इंडियाने आधीच 0-2 अशी आघाडी घेतली आहे.
मालिकेतील पहिल्या सामन्यात टीम इंडियाचा कर्णधार रोहित शर्माने शतक झळकावले. त्याचवेळी इंदूरमध्ये खेळल्या जाणाऱ्या तिसऱ्या सामन्यात रोहित शर्माकडे मोठा विक्रम करण्याची संधी आहे. नक्की कोणता आहे तो विक्रम जाणून घेऊया अगदी सविस्तर..
घरच्या कसोटीत कर्णधार रोहित शर्मा इतिहास रचणार?
टीम इंडियाचा कर्णधार रोहित शर्मा इंदूर कसोटीत केवळ 57 धावा करून देशांतर्गत कसोटी सामन्यांमध्ये 2000 धावा पूर्ण करेल. आतापर्यंत भारतीय भूमीवर खेळताना रोहित शर्माने 22 घरच्या कसोटी सामन्यांच्या 33 डावांमध्ये फलंदाजी करताना 71.96 च्या सरासरीने 1943 धावा केल्या आहेत.
यादरम्यान रोहित शर्माच्या बॅटमधून 8 शतके आणि 6 अर्धशतके झळकली आहेत. ऑस्ट्रेलियाविरुद्धच्या तिसऱ्या कसोटीत 57 धावा करून भारतात कसोटी खेळताना 2000 चा टप्पा पार करणारा रोहित शर्मा 19 वा भारतीय फलंदाज ठरणार आहे.
बॉर्डर-गावस्कर ट्रॉफी 2023 मध्ये सर्वाधिक धावा.
2023 मध्ये खेळल्या जाणाऱ्या बॉर्डर-गावस्कर ट्रॉफीमध्ये टीम इंडियाचा कर्णधार रोहित शर्माने आतापर्यंत दोन सामन्यांमध्ये 61 च्या सरासरीने 183 धावा केल्या आहेत. रोहित आता ट्रॉफीमध्ये सर्वाधिक धावा करणारा खेळाडू आहे. यामध्ये रोहित शर्मानेही शतक झळकावले आहे.
टीम इंडियाचा कर्णधार रोहित शर्माने आतापर्यंत एकूण 47 कसोटी, 241 एकदिवसीय आणि 148 टी-20 आंतरराष्ट्रीय सामने खेळले आहेत. कसोटीमध्ये रोहित शर्माने 46.76 च्या सरासरीने 3320 धावा केल्या आहेत. यादरम्यान रोहित शर्माने 9 शतके आणि 14 अर्धशतके झळकावली आहेत. आणि रोहित शर्माची सर्वोच्च धावसंख्या 212 धावांची आहे.
याशिवाय रोहित शर्माने वनडेमध्ये ४८.९१ च्या सरासरीने ९७८२ धावा केल्या आहेत. यादरम्यान रोहित शर्माच्या बॅटमधून 30 शतके आणि 48 अर्धशतके झळकली आहेत. यासोबतच रोहित शर्माचा वनडेतील सर्वोच्च धावसंख्या २६४ धावा आहे. त्याच वेळी, T20 आंतरराष्ट्रीय मध्ये, रोहित शर्माने 31.32 च्या सरासरीने आणि 139.24 च्या स्ट्राइक रेटने 2853 धावा केल्या आहेत. रोहित शर्माने आंतरराष्ट्रीय T20 मध्ये 4 शतके आणि 29 अर्धशतके झळकावली आहेत.
हेही वाचा:
व्हिडीओ प्लेलीस्ट:
