T-20 World Cup 2024 : T-20 विश्वचषक 2024 संदर्भात एक मोठी बातमी समोर येत आहे यावेळी विश्वचषक स्पर्धेत एकूण 20 संघ सहभागी होणार आहेत, ज्यांची 4 गटांमध्ये विभागणी करण्यात आली आहे. प्रत्येक गटातील गुणतालिकेतील टॉप-2 संघ सुपर-8 फेरीत प्रवेश करतील. आंतरराष्ट्रीय क्रिकेट परिषदेनेही यासाठीचे वेळापत्रक जाहीर केले आहे.
1 जून पासून सुरु होणार T-20 World Cup 2024 स्पर्धा..
T-20 World Cup 2024 स्पर्धा 1 जूनपासून सुरू होणार असून अंतिम सामना 28 जून रोजी होणार आहे. हा विश्वचषक अमेरिका आणि वेस्ट इंडिज यांच्या संयुक्त विद्यमाने विश्वचषक खेळवला जाणार आहे. आता समोर आलेल्या वृत्तानुसार, सर्व देशांना त्यांच्या संघांची घोषणा कधी करायची आहे, याची तारीख आयसीसीने जाहीर केली आहे. सर्व देशांच्या क्रिकेट बोर्डांना 1 मे पर्यंत त्यांचे संघ आयसीसीकडे सोपवावे लागतील.
T-20 World Cup 2024 स्पर्धेत 25 मे पर्यंत संघात करू शकतात बदल.
1 मे रोजी आंतरराष्ट्रीय क्रिकेट परिषदेला देण्यात आलेल्या संघात 25 मे पर्यंत बोर्ड सहज बदल करू शकते. मात्र, त्यानंतर संघात बदल झाल्यास आयसीसीची परवानगी घ्यावी लागेल. आयपीएलमधील खेळाडूंची कामगिरी पाहण्यासाठी बीसीसीआयकडे पूर्ण वेळ असेल जेणेकरुन त्यांच्या फॉर्मच्या आधारे खेळाडूंची निवड करणे त्यांना सोपे जाईल.
भारताचा पहिला सामना ५ जूनला होणार आहे.
भारतीय संघ 5 जूनपासून टी-20 विश्वचषक 2024 मध्ये आपल्या मोहिमेला सुरुवात करणार आहे. मेन इन ब्लू त्यांचा पहिला सामना आयर्लंडविरुद्ध खेळेल.
हेही वाचा: