T20 World Cup 2024: BCCI ने भारताचे दोन मोठे खेळाडू श्रेयस अय्यर आणि इशान किशन यांना केंद्रीय करारातून वगळले आहे. यामुळे खेळाडूंना तसेच त्यांच्या लाखो चाहत्यांना मोठा फटका बसला आहे. विशेष बाब म्हणजे हे दोन्ही खेळाडू आयसीसी विश्वचषक 2023 मध्ये भारतीय संघाचा भाग होते, पण तरीही दोघांचा करारात समावेश करण्यात आलेला नाही. अशा परिस्थितीत आता या दोन्ही स्टार्सना २०२४ च्या टी-२० वर्ल्ड कपमध्ये स्थान मिळणार नाही का, असा मोठा प्रश्न क्रिकेट चाहत्यांच्या मनात आहे. यावर बीसीसीआयकडून मोठा खुलासा करण्यात आला आहे.
इशान आणि अय्यर T20 World Cup 2024 वर्ल्डकपमधून बाहेर होणार?
भारतीय संघातील निवडीसाठी बीसीसीआय नेहमीच त्या खेळाडूंना प्राधान्य देते ज्यांच्याशी केंद्रीय करार झाला आहे. अय्यर आणि ईशान चमकदार फलंदाजी करू शकतात. विशेषत: टी20 चा विचार केला तर इशान किशनला या फॉरमॅटमध्ये स्पेशालिस्ट मानले जाते. आयपीएलमध्ये इशान त्याच्या बॅटने खूप धमाल करताना दिसतो. असे असूनही या खेळाडूला टी-20 विश्वचषकात स्थान मिळण्याची शक्यता फारच कमी असल्याचे दिसते. बीसीसीआयने ज्या खेळाडूंसोबत करार केला आहे त्यांच्यामध्ये स्पर्धा खूप आहे. अशा परिस्थितीत त्या खेळाडूंना विसरणे आणि ज्यांच्याशी करारही झालेला नाही अशा खेळाडूंचा संघात समावेश करणे सोपे जाणार नाही.
तरच ईशान किशन आणि श्रेयस T20 विश्वचषक खेळू शकतात.
ईशान किशन आणि श्रेयस अय्यरच्या संदर्भात, बीसीसीआयच्या सूत्राने सांगितले की, जर दोन्ही खेळाडूंनी बीसीसीआयच्या पॅरामीटर्सचे पालन केले आणि त्यांच्या फॉर्ममध्ये परत आले तर त्यांना आयपीएल 2024 नंतर पुन्हा करारबद्ध केले जाऊ शकते. यावरून फलंदाजांसाठी अजूनही सर्व दरवाजे बंद झालेले नाहीत, हे स्पष्ट होते. त्यांनी बीसीसीआयचे इशारे गांभीर्याने घेतले आणि त्यांची अंमलबजावणी केली तर दोघांचे पुनरागमन शक्य आहे. दोघांचा पुन्हा करार झाला तर दोन्ही खेळाडू टी-२० विश्वचषकात भारतीय संघाचा भाग होऊ शकतात.
बीसीसीआयने का ईशान आणि श्रेयस वर केली कारवाई?
अय्यर आणि ईशान बराच वेळ बीसीसीआयने दिलेल्या इशाऱ्यांकडे दुर्लक्ष करताना दिसत होते. सर्वप्रथम भारतीय संघाचे मुख्य प्रशिक्षक राहुल द्रविड यांनी इशान किशनला देशांतर्गत क्रिकेट खेळण्याचा सल्ला दिला होता, मात्र इशानने द्रविडचे ऐकले नाही. त्यानंतर बीसीसीआयनेही कठोर आदेश जारी करून सांगितले की, टीम इंडियाच्या निवडीचा मुख्य आधार आयपीएल नसून देशांतर्गत क्रिकेट असेल. तरीही खेळाडूंनी बीसीसीआयचा इशारा गांभीर्याने घेतला नाही. याच कारणामुळे खेळाडूंना केंद्रीय करारातून वगळण्यात आले आहे. आता येणाऱ्या टी-२० विश्वचषक स्पर्धेमध्ये या दोन खेळाडूना खेळायचे असेल तर आधी बीसीसीआयसोबत तडजोड करून केंद्रीय करार पुन्हा मिळवावा लागेल.
==
आमचे ईतर लेख वाचण्यासाठी क्लिक करा : फेसबुक | इंस्टाग्राम | Copyright© yuvakatta.in| All Rights Reserved.
:- यह है असली किंग, जे सचिन, सेहवाग, गंभीर ला जमल न्हवत ते या वाघाने केलं, वाचा सविस्तर.
