टीम इंडियाने दक्षिण आफ्रिकेविरुद्ध दोन सामन्यांची कसोटी मालिका खेळण्याची तयारी केली आहे. पहिला सामना मंगळवारी सेंच्युरियनमध्ये खेळवला जाईल. या सामन्यापूर्वी सर्व खेळाडू नेटमध्ये खूप घाम गाळत आहेत. या मालिकेद्वारे रोहित शर्मा, विराट कोहली आणि जसप्रीत बुमराह वर्ल्ड कपमधील पराभवानंतर पहिल्यांदाच मैदानात दिसणार आहेत.
Test Match Mode 🔛#TeamIndia batters are geared up for the Boxing Day Test 😎#SAvIND pic.twitter.com/Mvkvet6Ed9
— BCCI (@BCCI) December 25, 2023
ही मालिका भारतासाठी खूप महत्त्वाची ठरणार आहे कारण आतापर्यंत मेन इन ब्लू संघाने प्रोटीयाच्या भूमीवर कधीही कसोटी मालिका जिंकलेली नाही. अशा स्थितीत इतिहास रचण्याचे खडतर आव्हान त्यांच्यासमोर असणार आहे. आफ्रिकन संघाचे वेगवान गोलंदाज कागिसो रबाडा, लुंगी एनगिडी आणि मार्को जॅनसेन यांना सामोरे जाणे सोपे जाणार नाही.
आफ्रिकेला त्यांच्याच घरात हरवण्यासाठी सर्व भारतीय खेळाडू सज्ज झाले आहेत. बीसीसीआयने एक व्हिडिओ शेअर केला आहे ज्यामध्ये रोहित शर्मा, विराट कोहली आणि केएल राहुल नेटमध्ये घाम गाळताना दिसत आहेत. या व्हिडिओमध्ये शुभमन गिल आणि श्रेयस अय्यर या युवा फलंदाजांनीही नेटमध्ये भरपूर सराव केला आणि आता सर्व खेळाडू पूर्णपणे तयार आहेत.
अनुभवी वेगवान गोलंदाज मोहम्मद शमी दुखापतीमुळे या मालिकेत खेळू शकणार नाही. अशा स्थितीत त्याची जागा भरणे कठीण होईल. याशिवाय यष्टीरक्षक फलंदाज इशान किशननेही मालिकेतून आपले नाव मागे घेतले आहे, तर युवा सलामीवीर ऋतुराज गायकवाडही दुखापतीमुळे बाहेर असल्याने त्याच्या जागी अभिमन्यू ईश्वरनचा संघात समावेश करण्यात आला आहे.
हेही वाचा:
कारकीर्द कितीही वादाची असली तरीही, ‘सनथ जयसूर्या’ खेळाडू जबराटचं होता…