गुजरात टायटन्स, चेन्नई सुपर किंग्स, लखनौ सुपर जायंट्स आणि मुंबई इंडियन्स हे संघ आयपीएल 2023 च्या प्लेऑफ सामन्यांसाठी पात्र ठरले आहेत. चालू मोसमात एकाही साखळी सामन्यात विश्वविजेत्या खेळाडूला संधी मिळालेली नाही. पहिल्या क्वालिफायर सामन्यात चेन्नई सुपर किंग्ज आणि गुजरात टायटन्स हे संघ आमनेसामने असतील. हा सामना मंगळवारी (23 मे) चेन्नईच्या चेपॉक क्रिकेट स्टेडियमवर खेळवला जाईल.
गुजरात टायटन्स संघाने चालू आयपीएल हंगामात शानदार खेळ दाखवला आहे. संघाने 14 लीग सामन्यांमध्ये 10 विजयांसह गुणतालिकेत क्रमांक-1 स्थान मिळवले आणि प्लेऑफमध्ये पात्र ठरणारा पहिला संघ देखील ठरला. हार्दिक पांड्याने या संघाचा डावखुरा फलंदाज मॅथ्यू वेड याला एकाही सामन्यात प्लेइंग-11 मध्ये समाविष्ट केले नाही. गुजरात टायटन्स फ्रँचायझीने 2 कोटी 40 लाखांची बोली लावून या फलंदाजाचा संघात समावेश केला होता.
ऑस्ट्रेलियाकडून खेळणारा मॅथ्यू वेड 2021 टी-20 विश्वचषक विजेत्या संघाचा भाग होता. न्यूझीलंड आणि ऑस्ट्रेलिया यांच्यातील अंतिम सामन्यात ऑस्ट्रेलियाने 8 विकेट्सने विजय मिळवला. या सामन्यात प्रथम फलंदाजी करताना न्यूझीलंडने 4 गडी गमावून 172 धावा केल्या. यानंतर मिचेल मार्श आणि डेव्हिड वॉर्नरच्या शानदार अर्धशतकी खेळीच्या जोरावर ऑस्ट्रेलियाने विजय मिळवला. मात्र, या सामन्यात मॅथ्यू वेडची फलंदाजी आली नाही.
मॅथ्यू वेडने आयपीएलचे फक्त 2 हंगाम खेळले आहेत. 2011 मध्ये आयपीएलमध्ये पदार्पण करणाऱ्या या फलंदाजाला 11 वर्षांनंतर 2022 च्या आयपीएलमध्ये खेळण्याची संधी मिळाली. २०२२ च्या आयपीएलमध्ये गुजरात टायटन्सने त्यांचा संघात समावेश केला होता. त्याने आतापर्यंत 13 आयपीएल सामने खेळले आहेत, ज्यामध्ये त्याच्या बॅटमधून 179 धावा झाल्या आहेत. यादरम्यान त्याची सर्वोच्च धावसंख्या ३५ धावा आहे.
