रिक्षा: सोशल मिडीयावर कधी काय व्हायरल होईल याचा काही नेम नाही. सोशल मिडीयाने अनेक चेहऱ्यांना एका दिवसात प्रसिद्धीच्या झोतात आणले. असच काहीसा प्रकार आता समोर आला आहे.
सध्या सोशल मीडियावर एक फोटो खूप वेगाने व्हायरल होत आहे ज्यामध्ये एक महिला रिक्षाचालकाचे डोके उन्हापासून वाचवण्यासाठी छत्रीने झाकत असल्याचे दिसत आहे. हे छायाचित्र उत्तर प्रदेशातील बुलंदशहरमधील काला आम चौकातील आहे.
हा व्हायरल फोटो दैनिक जागरणचे पत्रकार हितेश गुप्ता यांनी टिपला आहे, ज्यामध्ये तुम्ही पाहू शकता की, एक महिला तेजस्वी सूर्यप्रकाशात रिक्षातून कुठेतरी जात आहे. प्रवासादरम्यान, महिलेच्या लक्षात आले की रिक्षाचालकाला उन्हात जळजळ होत आहे, म्हणून तिने ताबडतोब तिची शाल उघडली आणि आपले डोके झाकले. त्यामुळे रखरखत्या उन्हापासून रिक्षाचालकांना दिलासा मिळाला.
मीडिया रिपोर्ट्सनुसार, व्हायरल फोटोमध्ये दिसणारी महिला हुमा असून ती पेशाने शिक्षिका आहे. हुमा शाळा संपवून घरी परतत असताना ही घटना घडली. लोक या चित्राला जातीय सलोख्याशी जोडताना दिसत आहेत कारण हुमा मुस्लिम जातीची आहे आणि रिक्षावाला हिंदू धर्माचा आहे.
पत्रकाराने फोटो शेअर केल्यानंतर हा फोटो व्हायरल झाला आणि अनेक बड्या लोकांनीही हा फोटो शेअर केला. चित्रात दिसणाऱ्या महिलेने केलेल्या कामाचे सर्वत्र कौतुक होत आहे आणि लोक त्यावर वेगवेगळ्या प्रतिक्रिया देत आहेत. हुमाच्या या कृतीमुळे माणुसकीचे दर्शन सध्या सर्वाना घडले आहे.
====
आमचे ईतर लेख आणि ट्रेंडीग बातम्या वाचण्यासाठी क्लिक करा : फेसबुक | इंस्टाग्राम | Copyright© yuvakatta.in| All Rights Reserved.
