एमएस धोनी: इंडियन प्रीमियर लीगमध्ये रविवारी दिवसाचा दुसरा सामना स्पर्धेतील दोन सर्वात यशस्वी संघ, मुंबई इंडियन्स आणि चेन्नई सुपर किंग्ज (MI vs CSK) यांच्यात खेळला गेला. मुंबईच्या वानखेडे स्टेडियमवर खेळवला गेलेला हा सामना चाहत्यांना दीर्घकाळ स्मरणात राहणार आहे, कारण सीएसकेचा माजी कर्णधार आणि अनुभवी फलंदाज महेंद्रसिंग धोनी (MS DHONI) याने शेवटच्या षटकात हार्दिक पांड्याविरुद्ध 3 गगनचुंबी षटकार ठोकून धमाकेदार खेळी केली. शेवटच्या षटकातच धोनी मैदानात आला आणि येताच त्याने गगनभेदी षटकार मारण्यास सुरुवात केली.
एमएस धोनीने तुफानी खेळी खेळून जिंकली चाहत्यांची मने…
मुंबई इंडियन्सचा कर्णधार हार्दिक पंड्याने नाणेफेक जिंकून चेन्नई सुपर किंग्जला प्रथम फलंदाजीसाठी आमंत्रित केले. पण त्याचा हा निर्णय चुकीचा ठरला. प्रथम फलंदाजी करताना यलो जर्सी संघाने निर्धारित 20 षटकात 206 धावा केल्या. चेन्नईला इथपर्यंत पोहोचवण्यात महेंद्रसिंग धोनीचा (एमएस धोनी) मोठा वाटा होता, ज्याने हार्दिक पांड्याविरुद्ध शेवटच्या षटकात तुफानी फलंदाजी केली आणि 500 च्या स्ट्राइक रेटने केवळ 4 चेंडूत 20 धावा केल्या. यादरम्यान माहीच्या बॅटमधून सलग तीन षटकार आले, ज्याने स्टेडियमला मंत्रमुग्ध केले.
मुंबईचा कर्णधार हार्दिक पंड्या स्वतः चेन्नईच्या डावातील शेवटचे षटक टाकण्यासाठी आला होता. पहिल्या चेंडूवर चौकार मारल्यानंतर त्याने षटकाच्या दुसऱ्या चेंडूवर डॅरिल मिशेलला बाद केले. यानंतरमहेंद्रसिंग धोनी (MS DHONI) मैदानात आला आणि त्याने ओव्हरच्या पुढील तीन चेंडूंवर 3 तुफानी षटकार ठोकले.
धोनीने लाँग ऑफच्या दिशेने पहिला षटकार मारला. यानंतर त्याने लाँग ऑनच्या दिशेने सपाट षटकार मारला. त्याचवेळी माहीने स्क्वेअर लेगच्या दिशेने तिसरा षटकार मारला. या तीन षटकारांचा व्हिडिओ तुम्ही खालीही पाहू शकता.
DO NOT MISS
MSD 🤝 Hat-trick of Sixes 🤝 Wankhede going berserk
Sit back & enjoy the LEGEND spreading joy & beyond 💛 😍
Watch the match LIVE on @JioCinema and @StarSportsIndia 💻📱#TATAIPL | #MIvCSK | @msdhoni | @ChennaiIPL pic.twitter.com/SuRErWrQTG
— IndianPremierLeague (@IPL) April 14, 2024
सीएसकेच्या इतर फलंदाजांनीही चांगली कामगिरी केली
महेंद्रसिंग धोनीशिवाय चेन्नई सुपर किंग्जच्या इतर फलंदाजांनीही चांगली कामगिरी केली. कर्णधार रुतुराज गायकवाडने 40 चेंडूत 5 चौकार आणि तब्बल षटकारांच्या मदतीने 69 धावांची खेळी केली. त्याच्याशिवाय शिवम दुबेनेही 38 चेंडूत 10 चौकार आणि 2 षटकारांच्या मदतीने 66 धावा केल्या.
रचिन रवींद्र (21) आणि डॅरिल मिशेल (17) यांनीही यलो जर्सी घालून संघाला मोठी धावसंख्या गाठण्यात मोलाचा वाटा उचलला. मुंबईकडून हार्दिक पांड्याने 2, तर श्रेयस गोपाल आणि जेराल्ड कोएत्झीने प्रत्येकी 1 विकेट घेतली.
====
आमचे ईतर लेख आणि ट्रेंडीग बातम्या वाचण्यासाठी क्लिक करा : फेसबुक | इंस्टाग्राम | Copyright© yuvakatta.in| All Rights Reserved.
