WI vs ENG ODI: एकदिवसीय मालिकेतील पहिला सामना वेस्ट इंडिज आणि इंग्लंड (WI vs ENG ODI) यांच्यात रविवार, 3 डिसेंबर रोजी खेळला गेला, ज्यामध्ये यजमान संघ वेस्ट इंडिजने उच्च धावसंख्येच्या खेळात इंग्लंडचा 4 गडी राखून पराभव केला.
या सामन्यादरम्यान इंग्लिश गोलंदाजांनी चांगलीच फटकेबाजी केली आणि यादरम्यान सॅम करनच्या नावावर एक नकोसा विक्रम झाला. सॅम करन आता एकदिवसीय क्रिकेटमधील इंग्लंडचा सर्वात महागडा गोलंदाज ठरला आहे. त्याने 17 वर्षे जुना एक लाजिरवाणा विक्रम आपल्या नावावर केला आहे.
WI vs ENG ODI: सॅम करन ठरला सर्वांत महागडा स्पेल टाकणारा इंग्लिश गोलंदाज ..
या सामन्यात सॅम करनने 9.5 षटके टाकली आणि 98 धावा दिल्या. या कालावधीत, तो एकही विकेट घेऊ शकला नाही, ज्यासह तो आता इंग्लंडसाठी सर्वात महागडा एकदिवसीय स्पेल करणारा खेळाडू बनला आहे. सॅम करनच्या आधी हा लज्जास्पद विक्रम स्टीव्ह हार्मिसनच्या नावावर होता. 17 वर्षांपूर्वी म्हणजेच 2006 मध्ये त्याने श्रीलंकेविरुद्ध 10 षटकांत 97 धावा दिल्या होत्या.करणने आता हा नकोसा विक्रम मोडत आपल्या नावावर केला आहे.
याशिवाय या लाजिरवाण्या यादीत ख्रिस जॉर्डन आणि जॅक बॉल यांचीही नावे आहेत. ख्रिस जॉर्डनने 2015 मध्ये न्यूझीलंडविरुद्ध 97 धावांत केवळ एक विकेट घेतली होती. तर जॅक बॉलने 2017 मध्ये वेस्ट इंडिजविरुद्ध 94 धावा केल्या होत्या. आता या यादीत सॅम करन पहिल्या क्रमांकावर पोहोचला आहे.
WI vs ENG: सॅम करनचा वाईट काळ सुरूच.
सॅम करनसाठी मागचा काही काळ विशेष राहिला नाही. नुकताच भारतात वर्ल्ड कप खेळला गेला ज्यात सॅम करन पूर्णपणे बेरंग दिसत होता आणि इथे त्याने 3 सामन्यात फक्त 35 धावा आणि 2 विकेट घेतल्या. विश्वचषकात सॅम करनचा खराब फॉर्म इंग्लंडसाठी मोठी डोकेदुखी ठरला असून त्याचा संघाच्या कामगिरीवरही विपरीत परिणाम झाला आहे. अशा परिस्थितीत सॅमने लवकरात लवकर आपला फॉर्म परत मिळवावा आणि वेस्ट इंडिजविरुद्धच्या पुढील सामन्यात शानदार पुनरागमन करावे, अशी इंग्लिश चाहत्यांची इच्छा आहे.
हेही वाचा:
शुभमन गिल सारा पुन्हा पडले एकमेकांच्या प्रेमात?.. ब्रेकअप नंतर दोघेही पुन्हा एकत्र, फोटो व्हायरल..