Women Premier League 2024 (WPL 2024:): इंडियन प्रीमियर लीग (IPL) च्या अपार यशानंतर बीसीसीआयने महिला क्रिकेटकडे लक्ष देण्यास सुरवात केली आणि. भारतात महिलांसाठी सर्वांत मोठी टी-२० लीगची सुरवात झाली. महिला प्रीमियर लीगने (WPL 2023) साली क्रिकेट विश्वात प्रवेश केला. यावर्षी या स्पर्धेचा दुसरा हंगाम या महिन्याच्या शेवटी सुरु होणार आहे. इंडियन प्रीमियर लीगच्या वाढत्या क्रेझ या स्पर्धेच्या यशाची ग्वाही देत आहे.
बीसीसीआयच्या बॅनरखाली खेळल्या जाणाऱ्या या टी-२० लीगची दुसरी आवृत्ती २३ फेब्रुवारीपासून सुरू होत आहे. वुमन्स प्रीमियर लीगमध्ये ५ संघ सहभागी होत असून त्यांच्यामध्ये एक अतिशय रंजक स्पर्धा पाहायला मिळणार आहे.
महिला प्रीमियर लीगच्या या दुसऱ्या आवृत्तीत, गतविजेता मुंबई इंडियन्स संघ विजेतेपदाचे रक्षण करण्यासाठी सज्ज आहे, तर उपविजेत्या दिल्ली कॅपिटल्स, रॉयल चॅलेंजर्स बंगलोर, गुजरात जायंट्स आणि यूपी वॉरियर्ससह उर्वरित संघांना बाजी मारण्याची इच्छा आहे. विजेतेपद जिंकण्यासाठी. या चुरशीच्या स्पर्धेदरम्यान, आम्ही तुम्हाला या लेखात सर्व 5 सहभागी संघांची ताकद आणि कमकुवतपणा आणि एकूणच सर्व संघाविषयीची माहिती तुम्हाला सविस्तर रित्या देणार आहोत.
Tag your friends with whom you’ll be watching the #WPL Season 2 👇🤷♂️#WPLT20 #YehHaiNayiDilli pic.twitter.com/z2f0RE8g4l
— Delhi Capitals (@DelhiCapitals) February 10, 2024
1.दिल्ली कॅपिटल्स (Delhi Capital)
महिला प्रीमियर लीगच्या पहिल्या आवृत्तीत (WPL 2023), दिल्ली कॅपिटल्स (DC) संघाने फायनलमध्ये प्रवेश केला होता, परंतु तेथे त्यांचे विजेतेपद हुकले. यावेळी दिल्ली कॅपिटल्सचा संघ कोणत्याही किंमतीत पहिले जेतेपद पटकावण्याचा प्रयत्न करणार आहे. या संघाने काही चांगल्या चाली खेळून आपली स्थिती मजबूत केली आहे. चला तर मग पाहूया दिल्ली कॅपिटल्स संघाबाबत एकूण माहिती.
सामर्थ्य:- मॅग लॅनिंगच्या नेतृत्वाखाली दिल्ली कॅपिटल्स संघ खूप चांगला दिसत आहे. या संघाची सर्वात खास गोष्ट म्हणजे त्यांची फलंदाजी लाइनअप, ज्यामध्ये काही रोमांचक खेळाडूंचा समावेश आहे. शेफाली वर्मा, जेमिमाह रॉड्रिग्ज, स्वतः कर्णधार मॅग लॅनिंग, मारिजाना कॅप हे देखील त्यांच्या फलंदाजीत हजर आहेत. तसेच, यावेळी त्यांनी ॲनाबेल सदरलँडचा समावेश केला आहे, ही ऑस्ट्रेलियन अष्टपैलू खेळाडू देखील चांगली फलंदाजी करू शकते, तर दुसरीकडे संघात ॲलिसा कॅप्सी देखील आहे. अशा प्रकारे DC ची यंदाची फलंदाजी मागच्या वर्षीपेक्षा चांगली दिसत आहे.
कमजोरी:- दिल्ली कॅपिटल्स संघाबद्दल बोलायचे झाले तर, त्यांच्या गोलंदाजीत विशेष ताकद नाही, कारण पूनम यादव आणि तीतास साधू हे योग्य गोलंदाज आहेत, याशिवाय अनेक अष्टपैलू खेळाडू आहेत. ज्यामध्ये शिखा पांडे, मारिजाना कॅप, ॲनाबेल सदरलँड यांसारख्या खेळाडू आहेत, परंतु त्यांच्यासाठी बॉलसह प्रदर्शन करणारे खेळाडू कमी आहेत. मुख्य गोलंदाज नसल्यामुळे संघाचे नुकसान होऊ शकते.
WPL 2024 साठी दिल्ली कॅपिटल्सचा संघ (Delhi Capital Squad for WPL 2024)
मेग लॅनिंग, जेमिमाह रॉड्रिग्स, ॲलिस कॅप्सी, शफाली वर्मा, अरुंधती रेड्डी, जेस जोनासेन, लॉरा हॅरिस, मारिजाना कॅप, मिन्नू मणी, पूनम यादव, राधा यादव, शिखा पांडे, स्नेहा दीप्ती, तानिया भाटिया, तितास सुदरलँड, अण्णा सुदरलँड , अपर्णा मंडल , अश्वनी कुमारी
2.गुजरात जायंट्स (Gujrat Giants)
वुमन्स प्रीमियर लीगमधील (WPL) संघांपैकी गुजरात जायंट्सने (GG) पहिल्या सत्रातील कामगिरी खूपच निराशाजनक केली. गुजरात संघ काही विशेष खेळू शकला नाही आणि 8 पैकी फक्त 2 सामने जिंकू शकला. आता या वेळी, दुसऱ्या सत्रापूर्वी, गुजराजने बरेच बदल केले, ज्यामध्ये त्याने आपल्या संघात 10 नवीन खेळाडूंना संधी दिली. त्यानंतर तो यावेळी पुन्हा ताकद दाखवण्यासाठी सज्ज झाला आहे. चला तर मग पाहूया गुजरात जायंट्स संघाची एकूण तुलना.
ताकद : मागच्या हंगामातील खेळाडू सोडून लिलावात नवीन खेळाडू खरेदी केल्याने गुजरात जायंट्स संघाची फलंदाजी चांगली झाली आहे. यावेळी मिनी लिलावात त्यांनी फोबी लिचफील्ड, काशवी गौतम आणि कॅथरीन ब्राईस सारखे खेळाडू विकत घेतले आणि त्यांच्याकडे आधीच ऍशले गार्डनर, हरलीन देओल आणि ऍशले गार्डनरसारखे उत्कृष्ट फलंदाज होते. शिवाय डेलन हेमलता, लॉरा वोल्वार्ड, ज्यांच्यामुळे फलंदाजी चांगली दिसत आहे. त्याच्या बळावर तो कोणालाही पराभूत करू शकतो.
कमकुवतपणा:- जरी गुजरात जायंट्सने मिनी लिलावात 10 खेळाडू विकत घेतले, तरीही ते गोलंदाज निवडण्यात मात्र अपयशी ठरले. त्यांच्याकडे शबनम शकीलसह लॉरेन चिटल आणि प्रिया मिश्रा तज्ज्ञ गोलंदाज आहेत, परंतु त्यांच्या गोलंदाजीची मोठी जबाबदारी ऍशले गार्डनरवर राहील. कारण तिला सोडून जागतिक दर्जाचा म्हणता येईल असा एकही गोलंदाज गुजरातकडे नाही. ही कमजोरी संघाला महागात पडू शकते.
WPL 2024 साठी गुजरात जायंट्सचा संघ (Gujrat Giants Squad for WPL 2024)
बेथ मुनी (कर्णधार), ॲशले गार्डनर, डेलन हेमलता, हरलीन देओल, लॉरा वोल्वार्ड, शबनम शकील, स्नेह राणा, तनुजा कंवर, फोबी लिचफिल्ड, मेघना सिंग, त्रिशा पुजिथा, काश्वी गौतम, प्रिया मिश्रा, लॉरेन चीटरी , मन्नत कश्यप
3.मुंबई इंडियन्स (Mumbai Indians)
पुरूषांच्या T20 लीग इंडियन प्रीमियर लीगमध्ये मुंबई इंडियन्सची (MI) जशी स्थिती आहे, तशीच मुंबई इंडियन्सच्या महिला संघाचीही सुरुवात झाली आहे. महिला प्रीमियर लीगमध्ये मुंबई इंडियन्स संघ खूप मजबूत दिसत आहे आणि त्यांनी हरमनप्रीत कौरच्या नेतृत्वाखाली पहिल्याच आवृत्तीत विजेतेपद पटकावले. आता दुसऱ्या सत्रात मुंबईचा संघ आपले विजेतेपद राखण्याचा प्रयत्न करेल. त्यांच्या संघात काही बदल करण्यात आले आहेत. संघात पुन्हा एकदा चॅम्पियन बनण्याची क्षमता आहे. चला तर मग पाहूया मुंबई इंडियन्सचा टीम प्रिव्ह्यू
सामर्थ्य:- हरमनप्रीत कौरच्या नेतृत्वाखालील या संघाबद्दल बोलायचे तर, त्यांच्याकडे सर्वात मोठी ताकद आहे ती म्हणजे संघात उपस्थित असलेले जागतिक दर्जाचे अष्टपैलू खेळाडू. मुंबई इंडियन्स संघात अनेक स्टार आणि धोकादायक अष्टपैलू खेळाडू आहेत, जे बॅट आणि बॉलने चमत्कार दाखवण्यात मागे राहणार नाहीत. अष्टपैलू खेळाडूंबद्दल बोलायचे झाले तर, त्यांच्याकडे स्वतः कर्णधार हरमनप्रीत कौर, नताली सीव्हर, हेली मॅथ्यूज, अमेलिया केर, अमनजोत कौर, इसाबेल वोंग, पूजा वस्त्राकर यासारखे उत्कृष्ट अष्टपैलू खेळाडू आहेत. त्यांच्या बळावर संघात कमालीचा समतोल आहे.
कमजोरी: मुंबई इंडियन्सची फलंदाजीही चांगली आहे, तर गोलंदाजीलाही शबनम इस्माईल आणि फातिमा जाफरच्या जोडीने बळ मिळाले आहे, परंतु संघाने केलेली सर्वात मोठी चूक म्हणजे यष्टिरक्षणाबाबत. यास्तिका भाटियाच्या रूपाने संघाकडे फक्त एकच यष्टिरक्षक आहे. जी इतकी चांगली कामगिरी करू शकली नाहीये.
WPL 2024 साठी मुंबई इंडियन्सचा संघ ( Mumbai Indians Squad for WPL 2024)
हरमनप्रीत कौर (कर्णधार), हेली मॅथ्यूज, अमनजोत कौर, अमेलिया केर, हुमैरा काझी, इसाबेल वोंग, जिंतामणी कलिता, नताली सीवर, पूजा वस्त्राकर, प्रियांका बाला, कीर्तन बालकृष्णन, सायका इशाक, यस्तिका भाटिया, शबमानम, ए. कौर, एस सजना, फातिमा जाफर, क्लो ट्रायॉन
3.रॉयल चॅलेंजर्स बंगलोर (Royal Challengers Bangalore)
महिला प्रीमियर लीगच्या (WPL) पहिल्या आवृत्तीत, भारताची सर्वोत्कृष्ट फलंदाज स्मृती मानधना हिच्या नेतृत्वाखाली रॉयल चॅलेंजर्स बंगळुरूने (RCB) बरीच निराशा केली होती. RCB महिला संघ गेल्या वर्षी खूपच खराब खेळला होता, पण यावेळी हा संघ कसा तरी 2023 ची कामगिरी विसरून नव्या उमेदीने मैदानात उतरणार आहे. या संघात जिंकण्याची क्षमता आहे. चला तर मग पाहूयाकसा आहे आरसीबी महिला संघ..
सामर्थ्य:- रॉयल चॅलेंजर्स बंगळुरू संघाची फलंदाजी खूपच चांगली दिसत आहे आणि त्यांच्याकडे चांगले गोलंदाजही आहेत. स्मृती मानधना व्यतिरिक्त, RCB मध्ये एलिसा पेरी, दिशा कसाट, सोफी डिव्हाईन, रिचा घोष जॉर्जिया वेरेहम, कनिका आहुजा आणि श्रेयंका पाटील देखील आहेत. तसेच गोलंदाजीही चांगली दिसत आहे. संघ खूप चांगला आणि संतुलित दिसत आहे.
कमकुवतपणा: आरसीबीसाठी सर्वात मोठा धक्का म्हणजे संघाची महत्त्वाची खेळाडू हीदर नाइटची बाहेर पडणे. या मोसमात या इंग्लिश खेळाडूच्या अनुपस्थितीमुळे आरसीबीला अनेक समस्यांना सामोरे जावे लागू शकते. संघासाठी, हीथर नाईट तिच्या गोलंदाजी आणि फलंदाजीने संघाला मोठा फायदा मिळवून देऊ शकली असती आणि त्याच वेळी, तिच्याकडे कर्णधारपदाचा भरपूर अनुभव आहे, जो स्मृती मंधानाला उपयुक्त ठरू शकला असता.
WPL 2024 साठी रॉयल चॅलेंजर्स बंगलोरचा संघ ( Royal Challengers Bangalore Squad for WPL 2024)
स्मृती मानधना (कर्णधार), सोफी डेव्हाईन, एलिस पेरी, इंद्राणी रॉय, कनिका आहुजा, रेणुका सिंग, रिचा घोष, श्रेयंका पाटील, आशा शोभना, दिशा कसाट, एकता बिश्त, जॉर्जिया वेरेहम, केट क्रॉस, सोफी मॉलिनेक्स, सोफी मोलिनेक्स, , सबिनैनी मेघना , शुभा सतीश
4.यूपी वॉरियर्स (UP WARRIORZ)
महिला प्रीमियर लीगमध्ये यूपी वॉरियर्स(UPW) संघाला अंतिम फेरीत स्थान मिळू शकले नाही. संघाने अतिशय चांगली कामगिरी करत खडतर स्पर्धा दिली. यावेळी यूपी वॉरियर्सचे डोळे अंतिम फेरीत प्रवेश करण्यावर असतील. या संघाने लिलावात काही खेळाडूंवर सट्टा खेळून आपला संघ आणखी मजबूत केला आहे. आता यूपी वॉरियर्स संघ आपल्या परिपूर्ण संतुलनासह सज्ज आहे. चला तर मग जाणून घेऊया यूपी वॉरियर्स संघाचा पूर्वावलोकन.
ताकद: यूपी वॉरियर्सच्या संघात जबरदस्त ताकद आहे. त्यांच्या संघात फलंदाजीची खोली आहे, जिथे श्वेता सेहरावत, एलिसा हिली, दीप्ती शर्मा, ताहलिया मॅकग्रा, ग्रेस हॅरिस, किरण नवगिरे यांसारखे फलंदाज आहेत. यासोबतच काही उत्कृष्ट अष्टपैलू खेळाडूही आहेत ज्यात डॅनी व्याटचाही समावेश करण्यात आला आहे. त्यामुळे संघाची फलंदाजी चांगली दिसत आहे.
कमजोरी: फलंदाजी आणि गोलंदाजी या दोन्ही गोष्टी यूपी वॉरियर्ससाठी चांगल्या वाटतात, परंतु त्यांच्या संघात अननुभवी खेळाडूंची उपस्थिती ही सर्वात मोठी समस्या असू शकते. या संघात श्वेता सेहरावत, किरण नवगिरे, अंजली सरवानी, पार्श्वी चोप्रा, पूनम खेमनार, सायमा ठाकूर, गौहर सुलतान, लक्ष्मी यादव, वृंदा दिनेश यांसारख्या फार कमी अनुभव असलेल्या खेळाडूंचा समावेश आहे, जे संघाची बोट समुद्रात जाण्याआधीच बुडवू शकतात.
WPL 2024 साठी यूपी वॉरियर्सचा संघ ( UP WARRIORZ Squad for WPL 2024)
दीप्ती शर्मा, एलिसा हिली, अंजली सरवानी, लॉरेन बेल, लक्ष्मी यादव, वृंदा दिनेश, पार्श्वी चोप्रा, राजेश्वरी गायकवाड, डॅनी व्याट, एस यशश्री, श्वेता सेहरावत, सोफी एक्लेस्टोन, पूनम खेमनार, ताहलिया हरिमा, ताहलिया, जी. , गौहर सुलताना, किरण नवगिरे
==
आमचे ईतर लेख वाचण्यासाठी क्लिक करा : फेसबुक | इंस्टाग्राम | Copyright© yuvakatta.in| All Rights Reserved.
