Youngest Captains of IPL Teams: हार्दिक पांड्या मुंबई इंडियन्स संघात परतल्यानंतर काही तासांनी, गुजरात टायटन्सने शुभमन गिलला नवीन नियमित कर्णधार म्हणून नियुक्त केले.
जर सर्व काही ठीक झाले, तर आयपीएल 2024 सुरू होईपर्यंत शुभमन आयपीएलच्या सर्वात तरुण कर्णधारांपैकी एक होण्याचा विक्रम आपल्या नावावर करेल. 1 एप्रिल 2024 रोजी तो 24 वर्षे 206 दिवसांचा आणि 1 मे 2024 रोजी 24 वर्षे 236 दिवसांचा असेल – या तारखांच्या आसपास आयपीएल सुरू होण्याची अपेक्षा आहे. अशाप्रकारे, हे निश्चितपणे म्हणता येईल की ,शुबमन 25 वर्षांच्या आधी आयपीएलमध्ये कर्णधार बनलेल्या काही कर्णधारांपैकी एक असेल.
आता जाणून घेऊया आयपीएलमध्ये सर्वांत कमी वय असतांना कोण कोणते खेळाडू कर्णधार बनले आहेत.
विराट कोहली (रॉयल्स चॅलेंजर्स बंगलोर):
अवघ्या 22 वर्ष आणि 187 दिवसांच्या वयात विराट 2011 च्या हंगामात आयपीएलमध्ये कर्णधार बनला होता परंतु 2013 च्या हंगामातच तो नियमित कर्णधार बनला होता. आयपीएलमधील सर्वात तरुण कर्णधार होण्याचा विक्रम त्याच्या नावावर आहे आणि 25 वर्षांखालील कर्णधार बनलेल्यांपैकी तो एकमेव आहे जो 100 पेक्षा जास्त सामन्यांमध्ये कर्णधार आहे – विराट कोहलीने आपल्या आयपीएल कारकिर्दीमध्ये आतापर्यंत कर्णधार म्हणून एकूण 143 सामने खेळले आहेत.
स्टीव्ह स्मिथ (पुणे वॉरियर्स):
स्टीव्ह स्मिथ 2012 च्या मोसमात 22 वर्षे 344 दिवसांचा कर्णधार झाला. त्या हंगामात संघाचा नियमित कर्णधार सौरव गांगुली होता आणि त्याच्या अनुपस्थितीत स्मिथने कर्णधारपदाची धुरा सांभाळली. तथापि, स्मिथची सर्वाधिक चर्चा 2017 मध्ये झाली जेव्हा तो पुण्याच्या नवीन संघ रायझिंग पुणे सुपरजायंट्सचा कर्णधार झाला आणि त्यावेळी धोनी देखील या संघात होता. स्टीव्ह स्मिथ ने कर्णधार म्हणून खेळतांना एकूण- 43 सामने खेळले आहेत.
सुरेश रैना (चेन्नई सुपर किंग्स):
सुरेश रैना 2010 च्या मोसमात 23 वर्षे 112 दिवसांचा असताना प्रथमच कर्णधार बनला होता, परंतु एमएस धोनीच्या अनुपस्थितीमुळे त्याला ही संधी मिळाली असावी असा अंदाज लावणे कठीण नाही. चेन्नई संघावर बंदी घालण्यात आली तेव्हाच तो गुजरात लायन्सचा नियमित कर्णधार झाला होता. सुरेश रैनाने आपल्या आयपीएल कारकिर्दीमध्ये कर्णधार म्हणून एकूण 34 सामने खेळले आहेत.
श्रेयस अय्यर (दिल्ली डेअरडेव्हिल्स):
2018 च्या मोसमात गौतम गंभीरने मधल्या काळात कर्णधारपद सोडल्यामुळे, वयाच्या अवघ्या 23 वर्षे आणि 142 दिवसांनी, दिल्ली संघाने त्याला भविष्याच्या तयारीसाठी कर्णधार बनवले. तो कोलकात्याला गेला तेव्हा तिथेही तो कर्णधार होता. श्रेयस अय्यर ने आतापर्यंत एकूण 55 आयपीएल सामन्यात कर्णधारपद भूषवले आहे.
ऋषभ पंत (दिल्ली कॅपिटल्स):
जखमी श्रेयस अय्यरच्या जागी ऋषभ पंतला 2021 च्या मोसमात 23 वर्षे आणि 188 दिवस वय असतांना कर्णधार बनवण्यात आले होते, परंतु त्यानंतरही पंत संघाची निवड राहिला. तो 2023 चा मोसम स्वतः तंदुरुस्त नसल्यामुळे खेळला नाही पण या मोसमात खेळण्याची तयारी करत आहे. एकूण- 30 सामने.
राशिद खान (गुजरात टायटन्स):
संघाचा नियमित कर्णधार हार्दिक पांड्या होता परंतु त्याच्या अनुपस्थितीत, राशिदने 2022 च्या हंगामात 23 वर्षे आणि 209 दिवस वयाच्या IPL कर्णधार म्हणून पदार्पण केले. त्याचप्रमाणे 2023 मध्येही एका सामन्यात कर्णधार होता. मात्र, नियमित कर्णधाराची जागा रिक्त झाल्यावर संघाने शुभमनला कर्णधार बनवले आहे.
दिनेश कार्तिक (दिल्ली डेअरडेव्हिल्स):
2010 च्या मोसमात, नियमित कर्णधार केविन पीटरसनच्या वयाच्या 24 वर्ष आणि 291 दिवसांच्या बोटाला दुखापत झाल्यानंतर दिनेश कार्तिकला अचानक कर्णधारपदासाठी विचारण्यात आले. तथापि, तो एका वाईट विक्रमासाठी अधिक लक्षात ठेवला जातो – तो 2020 च्या मोसमात KKR चा नियमित कर्णधार होता परंतु पहिल्या 7 सामन्यांमध्ये तो फ्लॉप ठरला तेव्हा त्याने हंगामाच्या मध्यभागी कर्णधारपद सोडले. कर्णधार म्हणून खेळतांना रशीदने एकूण 43 सामने खेळले आहेत.
सॅम करन (पंजाब किंग्स):
वयाच्या 24 वर्षे 316 दिवसात, तो आयपीएल 2023 मध्ये 3 सामन्यांमध्ये कर्णधार होता. येथेही नियमित कर्णधार तंदुरुस्त नसल्याची तीच घटना घडली आणि शिखर धवनमुळे त्याला ही संधी मिळाली. एकूण- 3 सामने.
एक विचित्र रेकॉर्ड शुभमन गिलची वाट पाहत आहे . जो 25 वर्षाखालील आयपीएलमध्ये कर्णधार झाला . त्यापैकी कोणीही कधीही आयपीएल विजेतेपद जिंकले नाही. रोहित शर्मा आयपीएल विजेतेपद जिंकणारा सर्वात तरुण कर्णधार ठरला – वयाच्या 25 वर्षे 359 दिवस असतांना रोहित ने पहिला आयपीएल जिंकला होता.
शुभमन कडे आता अनोखा विक्रम करण्याची संधी आहे. त्याने जर यावर्षी आयपीएल ची ट्रॉफी जिंकली तर नक्कीच तो आयपीएलच्या इतिहासात ट्रॉफी जिंकणारा सर्वांत तरून कर्णधार बनेल.. आता या हंगामात तो कसी कामगिरी करतो हे पाहणे रंजक ठरणार आहे.
हेही वाचा:
- ODI वर्ल्डकप 2023 नंतर टीम इंडियातील ‘हे’ 3 स्टार खेळाडू होऊ शकतात निवृत्त, स्वतः दिग्गज खेळाडूने दिले संकेत.
- .शुभमन गिल सारा पुन्हा पडले एकमेकांच्या प्रेमात?.. ब्रेकअप नंतर दोघेही पुन्हा एकत्र, फोटो व्हायरल..
- टेलेंट असूनही या 4 खेळाडूंना कधीही संघात जागा मिळाली नाही, एकाने तर केले होते जबरदस्त प्रदर्शन तरीही केवळ 2 वर्षचं टिकली क्रिकेट कारकीर्द..
