IND vs AUS : टीम इंडिया ऑस्ट्रेलियाविरुद्ध पुन्हा एकदा बॅकफूटवर आहे. मेलबर्न येथे सुरू असलेल्या चौथ्या कसोटीत दोन्ही संघ आमनेसामने आहेत. दोन दिवसांचा खेळ संपला असून यजमानांनी पहिल्या डावातील प्रचंड धावसंख्येला प्रत्युत्तर देण्यासाठी भारत सध्या संघर्ष करत आहे. एवढेच नाही तर फॉलोऑनचा धोकाही भारतीय संघावर आहे.
या (IND vs AUS 4th test) सामन्यादरम्यान एक धक्कादायक बातमी समोर येत आहे. भारतीय कर्णधार रोहित शर्मा मेलबर्न कसोटीनंतर निवृत्तीची घोषणा करणार आहे. यात कितपत तथ्य आहे ते या लेखात सविस्तर जाणून घेऊया.
IND vs AUS 4थी कसोटी: रोहित शर्मा निवृत्त होणार!
बॉर्डर-गावस्कर ट्रॉफी 2024-25 (BGT 2024-25) च्या चौथ्या कसोटीदरम्यान, सोशल मीडियावरून येत असलेल्या एका बातमीने भारतीय चाहत्यांची झोप उडवली आहे. वास्तविक, मेलबर्न कसोटीनंतर हिटमॅन म्हणजेच रोहित शर्मा कसोटी क्रिकेटला अलविदा करणार असल्याची चर्चा आहे. शुभम आणि तरुण या दोन भारतीय यूट्यूबर्सने काही पत्रकारांच्या हवाल्याने हा मोठा दावा केला आहे.
त्याने त्याच्या यूट्यूब चॅनल “2 स्लॉगर्स” वर सांगितले की, त्याला भारतातील काही मोठ्या पत्रकारांनी याची माहिती दिली होती. त्यानुसार चौथी कसोटी रोहितच्या आयुष्यातील शेवटची कसोटी ठरणार आहे. यानंतर तो क्रिकेटच्या प्रदीर्घ फॉरमॅटमधून निवृत्तीची घोषणा करेल. तथापि, आत्ता आपण अधिकृत माहितीची प्रतीक्षा करावी.
येथे पहा व्हिडिओ .
https://x.com/itsShivanssh/status/1872586183106261240
इनसाइड स्पोर्ट्सनुसार, भारताचा मुख्य निवडकर्ता अजित आगरकर लवकरच रोहित शर्माशी बोलणार आहे. या बैठकीत आगरकर कसोटी क्रिकेटमधील भविष्याबाबत रोहितचे मत जाणून घेणार आहे.
रोहित शर्मा पहिल्या कसोटीत उपलब्ध नव्हता तेव्हा त्याच्या जागी वेगवान गोलंदाज जसप्रीत बुमराहने संघाची कमान घेतली होती. भारतीय संघाने हा सामना जिंकला होता. अशा परिस्थितीत भारताचा पुढील कसोटी कर्णधार म्हणून त्याच्याकडे पाहिले जात आहे.
हेही वाचा:
