IND vs SL 3RD ODI: ईशान किशनला जागा मिळणे जवळपास निश्चित तर सूर्याला पहावी लागणार वाट, तिसऱ्या एकदिवशीय सामन्यासाठी असा असू शकतो भारतीय संघ..
भारत आणि श्रीलंका यांच्यातील तीन एकदिवसीय मालिकेतील शेवटचा सामना १५ जानेवारीला होणार आहे. उभय देशांमधील हा सामना तिरुअनंतपुरमच्या ग्रीनफिल्ड इंटरनॅशनल स्टेडियमवर होणार आहे. या मैदानावर भारतीय संघ दुसऱ्यांदा एकदिवसीय सामना खेळणार आहे. आणि श्रीलंका येथे प्रथमच वनडे खेळणार आहे.
टीम इंडियाने गुवाहाटी आणि कोलकाता येथे खेळल्या गेलेल्या एकदिवसीय सामन्यांमध्ये विजय मिळवत मालिकेत निर्णायक आघाडी घेतली आहे. अशा स्थितीत भारताची नजर क्लीन स्वीपकडे असेल. त्याचबरोबर पाहुण्या संघाला विजयासह मालिका संपवायची आहे. या शेवटच्या सामन्यासाठी टीम इंडियामध्ये बदल निश्चित आहेत. तिसऱ्या सामन्यासाठी भारताच्या संभाव्य प्लेइंग इलेव्हनबद्दल आम्ही तुम्हाला सांगतो.
इशान किशनला संधी मिळू शकते
तिरुअनंतपुरममध्ये खेळल्या जाणाऱ्या तिसऱ्या सामन्यात भारताच्या प्लेइंग इलेव्हनमध्ये बदल करण्यात आला आहे. या सामन्यात इशान किशनला प्लेइंग इलेव्हनमध्ये संधी मिळू शकते. कारण बांगलादेशविरुद्धच्या शेवटच्या एकदिवसीय सामन्यात त्याने सर्वात जलद द्विशतक झळकावण्याचा विक्रम केला होता.
याशिवाय गेल्या दोन एकदिवसीय सामन्यांमध्ये त्याला भारताच्या प्लेइंग इलेव्हनमध्ये संधी मिळाली नाही. भारताने मालिका आधीच जिंकल्यामुळे संघातही बदल आवश्यक आहेत. अशा परिस्थितीत सूर्यकुमार यादवलाही टीम इंडियाच्या प्लेइंग इलेव्हनमध्ये पाहता येईल. याशिवाय युझवेंद्र चहलचाही शेवटच्या सामन्याच्या प्लेईंग इलेव्हनमध्ये समावेश केला जाऊ शकतो.
भारत नवा विक्रम रचण्याच्या जवळ आहे
तिसऱ्या वनडेत भारताला ऑस्ट्रेलियाचा विक्रम मोडण्याची संधी असेल. भारत आणि ऑस्ट्रेलिया यांनी संयुक्तपणे कोणत्याही एका देशाविरुद्ध एकदिवसीय सामन्यांमध्ये 95-95 सामने जिंकले आहेत. जर टीम इंडियाने तिसर्‍या वनडेत श्रीलंकेला पराभूत केले तर ते या बाबतीत ऑस्ट्रेलियाला मागे टाकेल.
त्यानंतर भारत वनडे इतिहासात कोणत्याही एका देशाविरुद्ध सर्वाधिक विजय मिळवणारा देश बनेल. ऑस्ट्रेलियाने न्यूझीलंडविरुद्ध 141 पैकी 95 एकदिवसीय सामने जिंकले आहेत. त्याचबरोबर भारताने श्रीलंकेविरुद्धच्या 164 पैकी 95 एकदिवसीय सामने जिंकले आहेत.
तिसऱ्या वनडेसाठी भारताची संभाव्य प्लेइंग इलेव्हन: रोहित शर्मा, इशान किशन, विराट कोहली, श्रेयस अय्यर, सूर्यकुमार यादव, हार्दिक पंड्या, अक्षर पटेल, युझवेंद्र चहल, मोहम्मद सिराज, मुकेश कुमार, उमरान मलिक
आणखी ताज्या स्पोर्ट्स बातम्या:
