गेल्या वर्षी ऑटोरिक्षा चालवणाऱ्या वडिलाचे झाले निधन, प्रत्येक सामना खेळल्यास मिळायचे 500 रु, आयपीएलच्या लिलावात दिल्ली कॅपिटल्सने या खेळाडूला बनवले करोडपती, तब्बल एवढे कोटी देऊन सामील केले संघात.
बिहारमध्ये जन्मलेला वेगवान गोलंदाज मुकेश कुमार आयपीएल लिलावात करोडपती ठरला आहे. शुक्रवारी (23 डिसेंबर) कोची येथे झालेल्या लिलावात त्याला दिल्ली कॅपिटल्सने 5.50 कोटी रुपयांना विकत घेतले. मुकेशची मूळ किंमत 20 लाख रुपये होती. 27.5 पट किंमत देऊन दिल्लीने त्याला आपल्या संघात समाविष्ट केले आहे. मुकेशने सैन्यात भरती होण्यासाठी तीनदा प्रयत्न केले आणि तीनही वेळा अपयशी ठरला. त्यानंतर तो आता क्रिकेटमध्ये आपला शिक्का गाजवतोय.
मुकेशबद्दल बोलायचे झाले तर, तो बिहारमधील गोपालगंजचा रहिवासी आहे. गरिबीमुळे त्याचे वडील कोलकाता येथे गेले आणि ऑटो चालवू लागले. दुसरीकडे मुकेश गोपालगंजमध्ये क्रिकेट खेळायचा. सर्वोत्तम खेळाच्या जोरावर तो बिहारच्या अंडर-19 संघातही दाखल झाला. नंतर वडिलांनी त्याला नोकरीसाठी कोलकाता येथे बोलावले. मुकेशने हार मानली नाही आणि कोलकात्यात क्रिकेट खेळत राहिला.
मुकेशने कोलकात्याच्या खासगी क्लबसाठी खेळायला सुरुवात केली. यादरम्यान तो एक सामना खेळून 500 रुपये कमवत असे. 2014 मध्ये, बंगाल क्रिकेट असोसिएशनच्या चाचण्यांमध्ये भाग घेतला. प्रशिक्षक रणदेब बोस यांनी त्यांची प्रतिभा ओळखली. रानदेब बोस यांच्या सांगण्यावरून त्यांना ईडन गार्डन्समधील एका खोलीत राहण्यासाठी जागाही मिळाली. 2015 मध्ये मुकेशने बंगालसाठी पदार्पण केले.
आयपीएल लीलावाआधी मुकेशने रणजी सामन्यांमध्ये बंगालकडून चमकदार कामगिरी केली होती. त्याचे फळही त्याला मिळाले. मुकेशचा भारतीय-अ संघात समावेश होता. एवढेच नाही तर यावर्षी दक्षिण आफ्रिकेविरुद्धच्या मालिकेसाठीही त्याची टीम इंडियात निवड झाली होती. मात्र, मुकेशला आंतरराष्ट्रीय क्रिकेटमध्ये पदार्पण करण्याची संधी मिळाली नाही. मुकेशने त्याला विकत घेतलेल्या दिल्ली कॅपिटल्सचा नेट बॉलर म्हणून देखील वापरले आहे.
मुकेश हा त्यांच्या घरातील सर्वात लहान मुलगा. त्याला चार मोठ्या बहिणी आहेत. त्याचे वडील ड्रायव्हर होते, पण कसेतरी त्यांनी आपल्या तीन मुलींचे लग्न लावले. अशा परिस्थितीत क्रिकेटपटूसाठी आवश्यक असलेले ते सर्व मुकेशला देने त्यांना शक्य नव्हते. गेल्या वर्षी वडिलांच्या निधनानंतर मुकेशने आपल्या चौथ्या बहिणीचेही लग्न केले.
प्रथम श्रेणी करिअर आहे असे.
मुकेशने 33 प्रथम श्रेणी सामन्यात 123 विकेट घेतल्या आहेत. यादरम्यान त्याने सहा वेळा एका डावात चार आणि एका डावात केवळ सहा वेळा पाच विकेट्स घेतल्या आहेत. त्याने 24 लिस्ट ए सामन्यात 26 विकेट घेतल्या आहेत. T20 क्रिकेटबद्दल बोलायचे झाले तर मुकेशने 23 सामन्यात 25 विकेट घेतल्या आहेत.
