मोठी बातमी.. तब्बल एवढ्या कोटी रुपयांना विकले गेले महिला आयपीएलचे मिडिया टेलिकास्ट अधिकार; सोनी, स्टार यांना पछाडत या कंपनीने मिळवले अधिकार…
मोठी बातमी.. तब्बल एवढ्या कोटी रुपयांना विकले गेले महिला आयपीएलचे मिडिया टेलिकास्ट अधिकार; सोनी, स्टार यांना पछाडत या कंपनीने मिळवले अधिकार…
आयपीएल ही स्पर्धा सध्या जगभरातील प्रसिद्ध टी-२० स्पर्धेमध्ये आघाडीवर असलेली स्पर्धा आहे. पुरुषांच्या आयपीएलच्या या यशानंतर बीसीसीआय आता महिलांचे आयपीएल सुरु करण्याच्या तयारीत आहे. ज्याचा एक प्रमुख हिस्सा म्हणजे हे सामने कुठे पाहायला मिळणार आणि कोण त्याच्यावर बोली लावणार? त्याचाच लिलाव आज पार पडला.
Viacom18 ने महिला IPL चे मीडिया हक्क 951 कोटी रुपयांना विकत घेतले आहेत. ज्यानुसार एका सामन्याचे मूल्य सात कोटी नऊ लाख रुपये असेल, जे पाकिस्तान सुपर लीग (दोन कोटी 44 लाख) पेक्षा जास्त आहे. Viacom18 आणि BCCI यांच्यात पाच वर्षांसाठी करार झाला आहे.
BCCI सचिव जय शाह यांनी ट्विट करून Viacom18 चे अभिनंदन केले आणि आगामी महिला IPL साठी हे एक मोठे पाऊल म्हटले. ते म्हणाले की, महिला आयपीएलचे माध्यम अधिकार जिंकल्याबद्दल वायकॉम18 चे अभिनंदन. बीसीसीआय आणि भारतीय महिला खेळाडूंवरील विश्वासाबद्दल धन्यवाद. Viacom18 सोबत 951 कोटींची डील करण्यात आली आहे, याचा अर्थ पुढील पाच वर्षांसाठी (2023-2027) प्रति सामना मूल्य 7.09 कोटी असेल. महिला क्रिकेटसाठी ही मोठी गोष्ट आहे.
After pay equity, today's bidding for media rights for Women's IPL marks another historic mandate. It's a big and decisive step for empowerment of women's cricket in India, which will ensure participation of women from all ages. A new dawn indeed! #WIPL @ICC @BCCIWomen
— Jay Shah (@JayShah) January 16, 2023
याशिवाय आणखी एका ट्विटमध्ये जय शाह यांनी भारतातील महिला क्रिकेटच्या दिशेने उचलले गेलेले मोठे पाऊल पे-इक्विटीचाही उल्लेख केला. त्यांनी लिहिले की, महिला क्रिकेटच्या सक्षमीकरणाच्या दिशेने हे आणखी एक मोठे पाऊल आहे, जे सर्व वयोगटातील महिलांचा सहभाग सुनिश्चित करेल.
Congratulations @viacom18 for winning the Women’s @IPL media rights. Thank you for your faith in @BCCI and @BCCIWomen. Viacom has committed INR 951 crores which means per match value of INR 7.09 crores for next 5 years (2023-27). This is massive for Women’s Cricket 🙏🇮🇳
— Jay Shah (@JayShah) January 16, 2023
Viacom18 व्यतिरिक्त, झी, सोनी आणि डिस्ने स्टार्स देखील मीडिया अधिकार मिळविण्यासाठी सहभागी होते, परंतु Viacom18 जिंकले. 25 जानेवारीपासून फ्रँचायझीसाठी अर्ज सादर केले जाणार आहेत, त्यानंतर महिला खेळाडूंची बोली लावली जाईल.
महिला आयपीएलचे आयोजन मार्चमध्ये होणार आहे. मार्चच्या पहिल्या आठवड्यात ते सुरू होऊ शकते. याची अधिकृत घोषणा अद्याप झालेली नाही.
हेही वाचा:
पाकिस्तानच्या विजयानंतर भारतीय संघात होणार 3 मोठे बदल, असा असेल इंग्लंडविरुद्ध भारतीय संघ…
