Hardik Pandya Health Update: घोट्याच्या दुखापतीमुळे २०२३ च्या विश्वचषक स्पर्धेतून बाहेर पडलेल्या भारतीय अष्टपैलू हार्दिक पांड्याबाबत आता आणखी एक अपडेट समोर आले आहे. हे अपडेट इतर कोणीही नसून बीसीसीआयचे सचिव जय शाह यांनी दिले आहे. मुंबईत आयोजित महिला प्रीमियर लीग 2024 च्या लिलावानंतर प्रसारमाध्यमांशी संवाद साधताना त्याने हार्दिक पांड्याच्या फिटनेसबाबत अपडेट दिले. कोणत्या मालिकेत तो पुनरागमन करू शकतो हेही त्याने सांगितले आहे.
Hardik Pandya Health Update: जय शाह यांनी हार्दिकबाबत ही माहिती दिली.
भारतीय क्रिकेट नियामक मंडळाचे (BCCI) सचिव जय शाह यांनी सांगितले की, दुखापतीतून सावरणारा अष्टपैलू हार्दिक पंड्या पुढील महिन्यात अफगाणिस्तानविरुद्ध होणाऱ्या टी-20 मालिकेसाठी फिट होऊ शकतो.
पुण्यात बांगलादेशविरुद्ध खेळल्या गेलेल्या वर्ल्डकप सामन्यादरम्यान हार्दिकला दुखापत झाली होती. याच कारणामुळे तो या स्पर्धेत पुढे खेळू शकला नाही. त्याची एक्झिट भारतासाठी मोठा धक्का होता.
महिला प्रीमियर लीगच्या लिलावादरम्यान पत्रकारांशी बोलताना शाह म्हणाले,
‘हार्दिकच्या फिटनेसवर लक्ष ठेवले जात आहे. तो एनसीए (नॅशनल क्रिकेट अकादमी) मध्ये आहे आणि खूप मेहनत घेत आहे. तो तंदुरुस्त झाल्यावर आम्ही तुम्हाला त्याची माहिती देऊ. अफगाणिस्तानविरुद्धच्या मालिकेपूर्वीही तो फिट होऊ शकतो.
IND vs AFG: भारत आणि अफगाणिस्तान यांच्यात जानेवारीमध्ये टी-20 मालिका होणार आहे
भारत आणि अफगाणिस्तान यांच्यात जानेवारीमध्ये तीन सामन्यांची टी-20 मालिका होणार आहे. भारतीय संघाचा दक्षिण आफ्रिका दौरा संपल्यानंतर ही मालिका खेळवली जाणार आहे. अफगाणिस्तानचा संघ भारत दौऱ्यावर येणार आहे. या मालिकेतील पहिला सामना 11 जानेवारी 2024 रोजी मोहालीच्या IS बिंद्रा स्टेडियमवर होणार आहे. दुसरा सामना १४ जानेवारी रोजी होळकर क्रिकेट स्टेडियम, इंदूर येथे होणार आहे. तर तिसरा आणि शेवटचा सामना 17 जानेवारीला बेंगळुरूच्या एम चिन्नास्वामी स्टेडियमवर होणार आहे.
हेही वाचा:
शुभमन गिल सारा पुन्हा पडले एकमेकांच्या प्रेमात?.. ब्रेकअप नंतर दोघेही पुन्हा एकत्र, फोटो व्हायरल..
