IND vs AUS: आज ऑस्ट्रोलियाचा पराभव करताच टीम इंडिया रचणार इतिहास, सर्वच फोर्मेटमध्ये नंबर 1 होण्याची टीम इंडियाला संधी..
IND vs AUS: भारत विरुद्ध ऑस्ट्रेलिया यांच्यातील तीन एकदिवसीय सामन्यांच्या मालिकेतील पहिला सामना आज म्हणजेच शुक्रवारी खेळवला जाणार आहे. हा सामना दुपारी 1.30 वाजता सुरू होईल. विश्वचषकापूर्वी ही मालिका खूप महत्त्वाची मानली जाते, कारण ती सराव सामन्यासारखी आहे. हा सामना जिंकून भारताला मोठा विक्रम करण्याची संधी आहे. हा सामना जिंकून भारत इतिहासाची पुनरावृत्ती करेल आणि तिन्ही फॉरमॅटमध्ये नंबर वन बनेल.
ऑस्ट्रेलियालाही नंबर वन होण्याची संधी आहे.
भारतीय संघ आधीच कसोटी आणि टी-२० मध्ये पहिल्या क्रमांकावर आहे. अशा परिस्थितीत हा सामना जिंकून एकदिवसीय क्रिकेटमध्ये नंबर वन बनण्याची भारताला मोठी संधी आहे. एकदिवसीय क्रिकेटमध्ये भारत सध्या दुसऱ्या स्थानावर आहे. आशिया चषकानंतर पाकिस्तानने ऑस्ट्रेलियाला मागे ढकलून पहिल्या क्रमांकावर आपले स्थान प्रस्थापित केले होते, मात्र पाकिस्तानला हे स्थान फार काळ उपभोगता येणार नाही.
ऑस्ट्रेलियाने आजचा सामना चांगल्या गुणांनी जिंकला तर ते पहिल्या क्रमांकावर पोहचतील. त्याचबरोबर भारताकडे आजचा सामना जिंकून वनडेतही पहिल्या क्रमांकावर पोहोचण्याची मोठी संधी आहे.
या वर्षाच्या सुरुवातीला, भारतीय क्रिकेटच्या इतिहासात प्रथमच जेव्हा भारत कसोटी, टी-२० आणि एकदिवसीय या तिन्ही फॉरमॅटमध्ये पहिल्या क्रमांकावर आला होता. त्यावेळी देखील भारताने नागपूर कसोटीत ऑस्ट्रेलियाला पराभूत करून कसोटीत अव्वल स्थान पटकावले होते, या विजयासह भारतीय संघ प्रथमच तिन्ही फॉरमॅटमध्ये नंबर वन बनला होता.
आता भारताला एकदिवसीय क्रिकेटमध्ये ऑस्ट्रेलियाला पराभूत करून पुन्हा इतिहासाची पुनरावृत्ती करण्याची संधी आहे. मात्र, भारतासाठी आजचा हा सामना जिंकणे सोपे नसेल कारण, या सामन्यासाठी भारताचे स्टार फलंदाज विराट कोहली आणि रोहित शर्मा या दोघांनाही विश्रांती देण्यात आली आहे.
शुभमन गिल सारा पुन्हा पडले एकमेकांच्या प्रेमात?.. ब्रेकअप नंतर दोघेही पुन्हा एकत्र, फोटो व्हायरल..