बाबर आझम: 2023 च्या विश्वचषक स्पर्धेत बाबर आझमच्या नेतृत्वाखाली पाकिस्तानची कामगिरी अत्यंत खराब होती. 9 पैकी केवळ 4 सामने जिंकून संघ स्पर्धेतून बाहेर पडला. खराब कामगिरीनंतर पाकिस्तान क्रिकेट बोर्डाने संपूर्ण निवड समिती बरखास्त केली. गोलंदाजी प्रशिक्षक मॉर्नी मॉर्केल यांनी राजीनामा दिला आहे.
आता बातमी येत आहे की पीसीबीने बाबरकडून कर्णधारपदही हिसकावून घेतले आहे. त्यांच्या जागी दोन खेळाडूंना जबाबदारी मिळू शकते. लवकरच त्याची घोषणा होऊ शकते. शाहीन आफ्रिदीला टी-20 संघाचा कर्णधार आणि शान मसूदला कसोटी संघाचा कर्णधार बनवले जाऊ शकते. पाकिस्तानला पुढील एक वर्ष एकही वनडे खेळण्याची गरज नाही. पाकिस्तान क्रिकेट बोर्ड आधीच पुढील वर्षी जूनमध्ये होणाऱ्या टी-२० विश्वचषक स्पर्धेच्या तयारीत व्यस्त आहे.
बाबर आझमची हकालपट्टी ? पीसीबी चेअरमन जका अश्रफ लवकरच करणार नवीन कर्णधाराची घोषणा..
जिओ न्यूजच्या वृत्तानुसार, पीसीबी चेअरमन जका अश्रफ यांनी मंगळवारी माजी कर्णधार युनूस खान आणि मोहम्मद हाफीजसह अनेक खेळाडूंची भेट घेतली. यानंतर बाबर आझमला कर्णधारपदावरून हटवण्याचा निर्णय घेण्यात आला. बाबर उद्या म्हणजेच १६ नोव्हेंबरला झका अश्रफ यांची भेट घेणार आहेत. यानंतर नव्या कर्णधाराची घोषणा होऊ शकते.
विश्वचषकात पाकिस्तानचा संघ अफगाणिस्तानकडूनही हरला असल्याची माहिती आहे. संघासाठी हा मोठा धक्का होता. अलीकडेच बाबर स्वतः कर्णधारपदाचा राजीनामा देऊ इच्छित असल्याची बातमी आली होती.
राजीमाना न दिल्यास बाबरची होणार हकालपट्टी- सूत्र
वृत्तानुसार, बाबर आझमने कर्णधारपदाचा राजीनामा दिला नाही, तर त्याची हकालपट्टीही होऊ शकते. पाकिस्तान सुपर लीगमध्ये सलग दोनदा संघाला चॅम्पियन बनवणाऱ्या शाहीन आफ्रिदीला याआधीही कर्णधार बनवण्याची चर्चा आहे. तो माजी कर्णधार शाहिद आफ्रिदीचा जावई आहे. विश्वचषकापूर्वी आशिया कप 2023 मध्येही पाकिस्तानची कामगिरी निराशाजनक होती. हा संघ सुपर-4 फेरीतूनच बाहेर पडला होता. आशिया चषक स्पर्धेत भारताशिवाय श्रीलंकेकडूनही पराभव पत्करावा लागला होता.
- हेही वाचा:
- ODI वर्ल्डकप 2023 नंतर टीम इंडियातील ‘हे’ 3 स्टार खेळाडू होऊ शकतात निवृत्त, स्वतः दिग्गज खेळाडूने दिले संकेत.
- .शुभमन गिल सारा पुन्हा पडले एकमेकांच्या प्रेमात?.. ब्रेकअप नंतर दोघेही पुन्हा एकत्र, फोटो व्हायरल..
- टेलेंट असूनही या 4 खेळाडूंना कधीही संघात जागा मिळाली नाही, एकाने तर केले होते जबरदस्त प्रदर्शन तरीही केवळ 2 वर्षचं टिकली क्रिकेट कारकीर्द..